வசிம் தாஜூடீன் படுகொலை முக்கிய தகவல்களை பெற, உதவிய பிரிட்டன் நிபுணர்கள்

ரக்பி வீரர் வாசிம் தாஜூடீனின் படுகொலை தொடர்பில் முக்கிய தகவல்களை பெறுவதற்கு இலங்கை குற்றப்புலனாய்வு பிரிவினரிற்கு பிரிட்டன் நிபுணர்கள் குழுவொன்று உதவிவழங்கியுள்ளது.

இது தொடர்பில் மேலும் தெரிவிக்கப்பட்டு உள்ளதாவது,

முன்னாள் ரக்பி வீரரின் படுகொலை குறித்த விசாரணைகள் குற்றப்புலனாய்வு பிரிவினரிற்கு  மிகவும் சவாலானவையாக தோன்றிய நிலையில் அவர்கள் பிரிட்டனின் நிபுணர்களின் துணையுடன் படுகொலை தொடர்பில் முக்கிய விடயங்கள் பலவற்றை கண்டுபிடித்தனர். கையடக்கத்தொலைபேசி சேவை வழங்கும் நிறுவன மொன்றிடமிருந்து தொலைபேசி உரையாடல் பதிவுகளை பெற்றுக் கொள்வதற்காக இலங்கை வந்திருந்த பிரிட்டனின் தொழில்நுட்ப நிபுணர்கள் இந்த கொலை தொடர்பிலான இருமுக்கிய உரையாடல்களை கண்டுபிடித்தனர்,

இதன் மூலம் இலங்கை பிரபல இளம் அரசியல்வாதியொருவர் இந்த விடயத்தில் தொடர்புபட்டுள்ளமையும் தெரியவந்துள்ளது.

மேலும் வாசிம் தாஜூடீன் படுகொலைசெய்யப்படுவதற்கு முன்னர் மிகமோசமாக சித்திரவதை செய்யப்பட்டதற்கான ஆதாரங்களை கண்டுபிடித்துள்ளதாகவும் பொலிஸ் வட்டாரங்கள் தெரிவித்தன.