வசீம் தாஜூடீன் கொலைக்கு, கூறப்படும் மற்றுமொரு காரணம்

ஹெவ்லொக் விளையாட்டு கழகம் சம்பந்தமான பிரச்சினையை பிரபல றகர் விளையாட்டு வீரர் வசீம் தாஜூடீனின் கொலைக்கு  காரணம் என தெரியவந்துள்ளது.

ஹெவ்லொக் விளையாட்டு கழகத்தை கொள்வனவு செய்வது தொடர்பில் தாஜூடீனுக்கும் கடந்த அரசாங்கத்தின் இளம் நாடாளுமன்ற உறுப்பினர் ஒருவருக்கும் இடையில் ஏற்பட்ட தகராறு காரணமாக இந்த கொலை நடந்துள்ளதாக பொலிஸார் இதுவரை மேற்கொண்ட விசாரணைகளில் கண்டறியப்பட்டுள்ளது.

இளம் அரசியல்வாதிகள் ஹெவ்லோக் விளையாட்டு கழகத்தை சொந்தமாக்கி கொள்ள தயாரான போது, தாஜூடீன் அதற்கு எதிராக செயற்பட்டுள்ளார்.

தாஜூடீன் ஹெவ்லொக் விளையாட்டு கழகத்தின் பிரபலமான றகர் வீரராக திகழ்ந்தார்.

இந்த சம்பவத்தை அடிப்படையாக கொண்டு இளம் அரசியல்வாதிக்கும் தாஜூடீனுக்கும் இடையில் மோதல் நிலைமை ஏற்பட்டுள்ளது.

இதன் காரணமாகவே தாஜூடீன் கொலை செய்யப்பட்டதாக பொலிஸாருக்கு சாட்சியங்கள் கிடைத்துள்ளன.