ஊடகங்கள் என் மீது கவனம் செலுத்தாமல், 104 வயது மூதாட்டியை பாருங்கள் - மோடி

சட்டீஸ்கர் மாநிலத்தில் தனது 8 ஆடுகளை விற்று கழிவறை கட்டிய 104 வயது பாட்டியை பாராட்டி கௌரவித்தார் பிரமதர் நரேந்திர மோடி.

சட்டீஸ்கர் மாநிலம் கோடாபக்ராய் கிராமத்தைச் சேர்ந்தவர் குன்வார் பாய். 104 வயதான அவர் தனது 8 ஆடுகளை விற்று தனது வீட்டில் இரு கழிவறைகளை கட்டியுள்ளார்.

சட்டீஸ்கர் மாநிலத்தில் இன்று நடைபெற்ற நிகழ்ச்சி ஒன்றில் பங்கேற்ற பிரதமர் நரேந்திர மோடி, அந்த வயதான பெண்மணியை பாராட்டி கௌரவித்தார்.

தொலைகாட்சி பார்க்காத மற்றும் செய்திதாள்கள் படிக்காத குவன்வர் பாய் 'சுத்தமான இந்தியா' திட்டம் குறித்து அறிந்து, தனது வீட்டில் கழிப்பறையை கட்டியுள்ளார். மேலும், அவர் தனது கிராமத்தில் உள்ளவர்கள் அனைவரையும் தங்களது வீடுகளில் கழிப்பறைகள் கட்டுவதற்கு ஊக்கப்படுத்தியுள்ளார்.

எங்கோ இருக்கும் கிராமத்தைச் சேர்ந்த 104-வது வயது பெண்மணியின் இச்செயல் 'சுத்தமான இந்தியா' திட்டம் முழுமை பெறும் என்ற நம்பிக்கையை ஏற்படுத்துகிறது என பிரதமர் மோடி கூறினார்.

ஊடகங்கள் என் மீது கவனம் செலுத்தாமல் இதுபோன்ற செயல்களில் ஈடுபடுவோர் குறித்து செய்திகளை பரப்ப வேண்டும் என்றார் மோடி.