நகைக்கடை உடைத்து CCTV கமெரா திருட்டு - அம்பாறையில் அதிர்ச்சி

அம்பாறை, பொத்துவில் பிரதான வீதியில் அமைந்துள்ள நகைக் கடையொன்றின் பின்கதவை உடைத்து உள்ளே சென்ற திருடனால் அங்கு பொருத்தப்பட்டிருந்த சீ.சீ.டி கமராவை திருடிச் சென்றுள்ளதாக பொத்துவில் பொலிஸார் இன்று (12)தெரிவித்தனர்.

இது தொடர்பில் மேலும் தெரிவிக்கப்பட்டதாவது, நேற்று (11) இரவு வேளை குறித்த நகைக் கடையின் பின்கதவை உடைத்து உள்ளே சென்ற திருடனால் அங்கு பொருத்தப்பட்டிருந்த CCTV கமெரா திருடப்பட்டு சென்றுள்ளதாக கடை உரிமையாளரினால் இன்று (12) பொலிஸாரிடம் முறைப்பாடு தெரிவிக்கப்பட்டுள்ளது.

குறித்த நகைக்கடையில் திருடனால் நகைத் திருட்டை மேற்கொள்ள முடியாததன் காரணமாகவே குறித்த CCTV கமெராவை எடுத்துச் சென்றிருக்கலாம் என பொலிஸார் தெரிவிக்கிண்றனர்.

முறைப்பாட்டைத் தொடர்ந்து அங்கு சென்ற பொலிஸார்  கடை மற்றும் அயல் பிரதேசங்களை சோதனையிட்டதுடன் இச் சம்பவம் குறித்து விசாரணைகளையும் முன்னெடுத்து வருகின்றனர்.