பிறந்த நாள் கொண்டாட்டத்திலிருந்து வெளியேற்றபட்டார்

கனடா நாட்டில் தோழி ஒருவரின் பிறந்த நாள் கொண்டாடத்திற்கு சென்றுருந்த இஸ்லாமிய மாணவி ஒருவரை முகத்திரை காரணம் காட்டி வெளியேற்றிய சம்பவம் பரபரப்பை ஏற்படுத்தியுள்ளது.

கியூபெக் மாகாணத்தில் உள்ள Brossard என்ற நகரில் பல்லேடிய அரங்கம் ஒன்று அமைந்துள்ளது.

இங்கு குறிப்பிட்ட ஒரு கட்டணம் செலுத்தி பிறந்த நாளை உற்சாகமாக நண்பர்களுடன் கொண்டாடலாம்.

இந்நிலையில், இதே நகரை சேர்ந்த Hoda Mady என்ற இஸ்லாமிய மாணவி ஒருவர் தன்னுடைய தோழி ஒருவரின் பிறந்த நாளிற்காக நண்பர்களுடன் பல்லேடியம் சென்றுள்ளார்.

அரங்கிற்குள் உற்சாகமாக பிறந்த நாளை கொண்டாட தொடங்கியபோது, அங்குள்ள வாடிக்கையாளர் ஒருவர் மாணவியை நோக்கி வேகமாக வந்துள்ளார்.

‘இந்த அரங்கிற்குள் தொப்பி அணிய அனுமதியில்லை. எனவே நீங்கள் இங்கிருந்து வெளியேறுங்கள்’ என கூறியுள்ளார்.

இஸ்லாமிய மாணவியான அந்த பெண், முகத்திரையை வித்தியாசமான முறையில் ஒரு தொப்பி போல் அணிந்திருந்தார்.

‘இது தொப்பியில்லை. இஸ்லாமியர்கள் அணியும் முகத்திரை. இதனை நான் விலக்க முடியாது’ என அந்த மாணவி மறுத்துள்ளார்.

அப்போது அந்த அரங்கில் பணியாற்றும் ஒரு பெண் ஊழியர் விரைந்து வந்து அந்த வாடிக்கையாளருக்கு ஆதரவாக மாணவியை எதிர்த்து பேசியுள்ளார்.

இந்த சம்பவத்தால் பெரும் அவமானம் அடைந்த அந்த மாணவியும் நண்பர்களும் அரங்கத்தில் செலுத்திய கட்டணத்தை திரும்ப பெற்றுக்கொண்டு அங்கிருந்து வெளியேறியுள்ளனர்.

இந்த சம்பவம் வெளிச்சத்திற்கு வந்த பிறகு, பல்லேடியத்தின் மேலாளர் நடந்த தவறுக்கு மன்னிப்பு கோரியுள்ளார்.

’இந்த அரங்கத்திற்குள் தொப்பி அணிந்து வர தான் தடை இருக்கிறதே தவிர இஸ்லாமியர்கள் முகத்திரை அணிய தடையில்லை. எனினும், வாடிக்கையாளர் செய்த தவறுக்கு மன்னிப்பு கோருவதாக மேலாளர் தெரிவித்துள்ளார்.