"ஞானசாரர் கைது, முஸ்லிம்கள் எல்லை மீறலாகாது..."

-PM. JAWFER JP-

பொறுமையை கொண்டும் தொழுகையை கொண்டும் அல்லாஹ்விடம் உதவி தேடுங்கள் என்று அல்லாஹ் நமக்கு கட்டளை இட்டுள்ளான் அதன் பிரகாரம் நாம் வாழ்கிறோமா என்று சிந்திக்க கடமைப்பட்டுள்ளோம்.தொழுகையை கொண்டு அல்லாஹ்விடம் உதவி தேடும் நம்மில் சிலர் பொறுமையை இழந்தும் விடுகின்றோம் தொழுகையை கொண்டோ பொறுமையை கொண்டோ உதவி தேடாதவர்களும் நம்மில் இருக்கிறோம் என்பதை யாராலும் மறுக்க  முடியாத உண்மையாகவும் உள்ளது. நாம் பொறுமையோடு இருக்கிறோமா என்பதற்கு நாம் எந்தத்தவறும் செய்யாமல் இருந்து பிறரால் தண்டிக்கப்பட்டால் அல்லது சோதிக்கப்பட்டால் பொறுமையோடு இருக்கும் பொறுமைக்கு அல்லாஹ்வின் உதவிவரும்.

 ஆனால் நாம் தவரை செய்து விட்டு அதற்காக சோதிக்கப்படும்போது அல்லது தண்டிக்கப்படும்போது பொறுமையாக இருப்பது உண்மையான பொறுமையாகுமா என்றால் இல்லை என்றுதான் கூற வேண்டும்.ஏன் என்றால் உதாரணத்துக்கு ஒருவர் ஒரு களவை செய்து விட்டு பிடிபட்டு போலிஸ் அடிக்கும்போது பொறுத்துக்கொண்டு இருக்கிறேன் என்றால் அது போறுமையாகுமா அல்லது இந்த பொறுமைக்கு அல்லாஹ்வின் உதவி கிட்டுமா என்பதை நாமே முடிவடுக்க வேண்டும்.

 இப்போது விடயத்துக்கு வருகிறேன், கடந்தகாலங்களில் நமக்கு சொல்லாலும் செயலாலும் துன்புறுத்தி வந்த ஞான சார தேரோவின் கைதில் நமக்கு நிறைய பாடம் படிக்க வேண்டியுள்ளது பொருட்சேதம் உயிர்ச்சேதம் ஏற்ப்படுத்திய இவர் நமது எந்த பிரச்சினை சம்மந்தம் இல்லாத ஒரு விடயத்தில் மாட்டிக்கொண்டார்.இதுவும் நமக்கு கிடைத்தவொரு வெற்றி காரணம் நமது பிரச்சினையால் இவர் கைது செய்யப்பட்டிருந்தால் வெளியில் இருக்கக்கூடிய இவரின் சகாக்கள் நம்மீது பழி தீர்க்க வந்து விடுவார்கள்.அல்லாஹ் அவ்வாறானதொரு  விளைவில் இருந்து நம்மை பாதுகாத்தான் அல்ஹம்துலில்லாஹ்.

 இவர் கைதகியுள்ளது நீதிமன்ற அவமதிப்பு வழக்கில் இந்த குற்றம் யார் செய்தாலும் சட்டம் தனது  கடமையை செய்யும் அது உதாரணத்துக்கு நம்முடைய உலமா சபை தலைவர் செய்தாலும் இதுதான் கெதி ஆனால் அவ்வாறு செய்யும் சமுக தலைவர்களை நம் சமுதாயம் ஈன்றடுக்காது மட்டுமல்ல அவ்வாறு செய்தால் குற்றவாளியை விடுதலை செய்ய வேண்டும்  என்று முஸ்லிம்கள் நீதிமன்ற அவமதிப்பில் இறங்க மாட்டார்கள் என்பது மட்டும் உண்மை.   

அல்லாஹ்வின் எதிரி நபியின் எதிரி நபியின் எதிரி நம்முடைய எதிரி நாம் பொறுமை காத்தோம் சில விடயங்களை கண்டோம் அதற்காக அல்லாஹ்வை புகழ்வோம் நன்றி செலுத்துவோம்.அதை விடுத்து நாம் நமது திறமையால் இவரை பிடித்து ஜெயிலில் விட்டதுபோல் பெருமையடிக்க வேண்டிய அவசியம் இல்லை.முகநூல் பக்கங்களிலும் இன்னும் பல இணையதளங்களிலும் விமர்சிப்பதை தவிர்த்துக்கொள்ள வேண்டும்.இவ்வாறான செயற்பாடுகளால் நம்முடைய பொறுமைக்கு பெறுமதியற்றாதாகவும் மேலும் உதவி கிடைக்கப்பெறாதவர்கலாகவும் ஆவதற்கான வழிகளை சந்திக்க வேண்டிஏற்படலாம்.

அல்லாஹ்வுக்காக பொறுமையாக இருந்தோம் அல்லாஹ்விடம் பொறுப்பு கொடுத்தோம். அவன் செய்ய வேண்டியதை செய்வான் அவனை புகழ்ந்தவர்களாக அவனுக்கு நன்றி செலுத்தியவர்களாக  பொறுமையோடு இருப்போம் பெருமயடிப்பவன் சிறுமைப்படுவான் இது இயற்கையின் நீதி. ஆகவே தயவு செய்து நம்முடைய முஸ்லிம்கள் இதை விமர்சிக்கவோ முகநூல்களில் அநாகரிகமாகவோ எழுதுவதை தவிர்த்துக்கொள்ளுங்கள் இதன் நன்மை பற்றியோ தீமை பற்றியோ நாம் கண்டு கொள்ளாமல் இருப்போம். அல்லாஹ்வை புகழ்வோம். அவனுக்கு நன்றி செலுத்துவோம், பொறுமையைகொண்டும் தொழுகையை கொண்டும் அந்த அல்லாஹ்விடம் உதவியும் தேடுவோம். 

அல்ஹம்துலில்லாஹ்.