இனக் கலவரத்தை உருவாக்குவதே, சிங்க லே அமைப்பின் நோக்கம் - விக்கிரமபாகு

இலங்கையில் சிறுபான்மை இனங்களுக்கு எதிராக இனக் கலவரத்தை உருவாக்குவதே சிங்க லே அமைப்பின் நோக்கம் என்று தெரிவித்துள்ள நவ சமாஜக் கட்சியின் தலைவர் விக்கிரமபாகு கருணாரத்தின அதற்கு எதிராக இடதுசாரிகள் களமிறங்குவார்கள் என்றும் குறிப்பிட்டுள்ளார்.

புதிய அரசியல் அமைப்பின் ஊடாக சிறுபான்மை மக்களுக்கு ஏதாவது நன்மை கிடைத்தால் அதனை குழப்பி நாட்டில் கலவரத்தை ஏற்படுத்தும் நோக்கத்துடனேயே சிங்க லே அமைப்பு உருவாக்கப்பட்டுள்ளது என்றும் விக்கிரமபாகு கருணாரத்தின தெரிவித்துள்ளார்.

நாட்டில் சிறுபான்மை இனங்களுக்கு எதிராக யாரும் கலவரங்களை மேற்கொள்ள முனைந்தால் அதற்கு எதிராக இடதுசாரிகள் களமிறங்க பின் நிற்கப் போவதில்லை என்றும் அவர் குறிப்பிட்டுள்ளார்.

இதேவேளை இவ்வாறான ஒரு நோக்கிற்காகவே கொழும்பிலிருந்து கண்டிக்கான பேரணி ஒன்று கடந்த சனிக்கிழமை ஏற்பாடு செய்யப்பட்டது என்றும் அவர் மேலும் தெரிவித்துள்ளார்.