பெண்கள் அரைகுறையாக ஆடை அணிந்திருந்தது, எரிகிற நெருப்பில் எண்ணெய்யை ஊற்றியது போன்றது

ஜேர்மனியில் புத்தாண்டு கொண்டாட்டத்தின் போது நிகழ்ந்த பாலியல் வன்முறைக்கு பெண்கள் வாசனை திரவியம் உபயோகித்திருந்ததே காரணம் என இஸ்லாமிய மத குரு பேசியிருப்பது சர்ச்சையை ஏற்படுத்தியுள்ளது.

ஜேர்மனியில் உள்ள Cologne நகர ரயில் நிலையத்தின் அருகே புத்தாண்டு தின கொண்டாட்டத்தின் போது நூற்றுக்கணக்கான பெண்களை சூழ்ந்துகொண்டு அகதிகள் பாலியல் வன்முறையில் ஈடுபட்டுள்ளனர்.

இந்த சம்பவம் உலகளவில் பெரும் அதிர்வலைகளை ஏற்படுத்தியுள்ளது

 இந்த சம்பவம் தொடர்பாக 3 கற்பழிப்பு 521 பாலியல் வன்முறை என 800க்கும் அதிகமான வழக்குகள் பதியப்பட்டுள்ளன.

வட ஆப்பிரிக்க மற்றும் மேற்கு ஆசிய நாடுகளின் இருந்து வந்துள்ள அகதிகள் இந்த சம்பவத்தில் ஈடுபட்டனர் என்று கூறப்படுகிறது.

இந்நிலையில் இந்த சம்பவத்துக்கு பெண்களே காரணம் என கொலொங் நகர இஸ்லாமிய இமாம் அபு யூசப் தெரிவித்துள்ளார்.

இது தொடர்பான ரஷ்ய தொலைக்காட்சிக்கு அளித்த பேட்டியில் அவர் கூறியுள்ளதாவது, புத்தாண்டு கொண்டாட்டத்தின் போது நிகழ்ந்த பாலியல் வன்முறைக்கு பெண்களே காரணம்.

அவர்கள் பாலியல் வன்முறைக்கு ஆளானது எனக்கு அதிர்ச்சியையோ ஆச்சரியத்தையோ தரவில்லை. ஏனென்றால் அவர்கள் வாசனை திரவியம் பயன்படுத்தியிருந்ததே இந்த நிலைக்கு காரணம்.

மேலும் பெண்கள் அரைகுறையாக ஆடை அணிந்திருந்தது எரிகிற நெருப்பில் எண்ணெய்யை ஊற்றியது போன்றது என்று அவர் தெரிவித்துள்ளார்.