ஞானசாரர் சமூகத்துக்காக முன்நிற்கிறார், மாடறுப்பையும் தடை செய்யவேண்டும்

அஸ்கிரிய பீடத்தின் மகாநாயக்கர் கலகம அத்ததஸ்ஸி தேரர் , ஞானசார தேரர் குறித்து கருத்து வெளியிட்டுள்ளார்.

ஒவ்வொரு காலப்பகுதியிலும் எழுந்த பிரச்சினைகளை தீர்ப்பதற்காக பிக்குகள் பலர் முன்வந்துள்ளதாகவும் அந்த வகையிலேயே ஞானசார தேரர் சமூகத்துக்காக முன்னிற்பதாகவும் , அஸ்கிரிய பீடத்தின் மகாநாயக்கர் தெரிவித்துள்ளார்.

நாட்டின் தேசிய ஒருமைப்பாட்டை கட்டியெழுப்பும் நடவடிக்கையின் போது மஹா மகா சங்க சபையின் ஆசிர்வாதம் மற்றும் வழிகாட்டல் பெற்றுக்கொள்ளப்படவேண்டுமென மகாநாயக்கர் மேலும் தெரிவித்துள்ளார்.

நாட்டின் அனைவரும் ஒன்றாக கருதப்பட்டு, அனைவரும் சமாதானமாக செயற்படும்போதே நாட்டைக்கட்டியெழுப்பமுடியுமென அவர் தெரிவித்துள்ளார்.

மாடறுப்பு மற்றும் காட்டை அழித்து குடியேற்றங்களை நிர்மாணிக்கும் செயற்பாடும் தடைசெய்யப்படவேண்டுமென அவர் சுட்டிக்காட்டியுள்ளார்.

தேசிய ஒருமைப்பாட்டு மற்றும் நல்லிணக்க அமைச்சர் பௌசியுடனான சந்திப்பின் போது அவர் இதனைத் தெரிவித்திருந்தார்.