வந்தார் நவாஸ் ஷெரிப், விமானநிலையம் சென்று வரவேற்றார் ரணில் (படங்கள்)

மூன்று நாள் உத்தியோகப்பூர்வ விஜயமொன்றை மேற்கொண்டு பாகிஸ்தான் பிரதமர் நவா ஷெரிப் சற்று முன்னர் நாட்டை வந்தடைந்தார்.

கட்டுநாயக்க சர்வதேச விமான நிலையத்தை வந்தடைந்த பாகிஸ்தான் பிரதமரை, பிரதமர் ரணில் விக்ரமசிங்க வரவேற்றார்.

இதன்போது வெளிவிவகார அமைச்சர் மங்கள சமரவீர உள்ளிட்ட மேலும் பல அமைச்சர்கள் கலந்துக்கொண்டிருந்தனர்.

பாகிஸ்தான் பிரதமரை வரவேற்கும் உத்தியோகப்பூர்வ நிகழ்வு ஜனாதிபதி மைத்திரிபால சிறிசேன தலைமையில் நாளை ஜனாதிபதி செயலகத்தில் இடம்பெறவுள்ளதாக வெளிவிவகார அமைச்சு அறிவித்துள்ளது.

பாகிஸ்தான் பிரதமர் நாட்டில் தங்கியிருக்கும் இந்த காலப் பகுதியில் ஜனாதிபதி மைத்திரிபால சிறிசேன, பிரதமர் ரணில் விக்ரமசிங்க, வெளிவிவகார அமைச்சர் மங்கள சமரவீர உள்ளிட்ட மேலும் பலரை சந்தித்து இருதரப்பு கலந்துரையாடல்களை நடாத்தவுள்ளமை குறிப்பிடத்தக்கது.