இப்போது முன்பதிவு செய்து, எப்போது வேண்டுமானாலும் பிரசவிக்கலாம் - துபாயில் தள்ளுபடி கட்டணம்

நமது நாட்டில் சில பண்டிகை காலங்களில் தள்ளுபடி விலையில் பொருட்கள் கிடைப்பதுபோல் துபாயில் பிரசவக்கால சிகிச்சைக்கான குறைந்த கட்டண சிறப்பு முகாம் நாளை 23 (சனிக்கிழமை) நடைபெறவுள்ளது.

இங்குள்ள தம்பே மருத்துவமனையில் நாளை காலை 9 மணியிலிருந்து இரவு 11 மணிவரை நடைபெறும் இந்த சிறப்பு மருத்துவ முகாமில் குழந்தைகளுக்கான சிறப்பு மருத்துவ நிபுணர்களிடம் இலவச ஆலோசனைகளைப் பெறலாம்.

மேலும், கர்ப்பிணியாக இருக்கும் பெண்கள் இந்த முகாமில் 299 திர்ஹம் (1 திர்ஹம் என்பது இந்திய மதிப்புக்கு சுமார் 18 ரூபாய்) செலுத்தி முன்பதிவு செய்துகொண்டால் இந்த மருத்துவமனையில் எப்போது வேண்டுமானாலும் 4,999 செலவில் சுகப்பிரசவமும், 8,999 திர்ஹம் செலவில் சிசேரியன் ஆபரேஷன் மூலம் அறுவை சிகிச்சையின் மூலம் பிரசவமும் பார்த்துக் கொள்ளலாம் என தம்பே மருத்துவமனை குழுமம் அறிவித்துள்ளது.