வெலிக்கடைச் சிறையிலிருந்து தப்பிச்செல்ல முயன்ற, பாரிய குற்றவாளிகளின் நடவடிக்கை முறியடிப்பு

வெலிக்கடைச் சிறைச்சாலையில் சிகிச்சை அறையின் சுவரை இரும்பினால் துளைத்து தப்பிச் செல்ல முயன்ற பாரிய குற்றவாளிகளின் நடவடிக்கை முறியடிக்கப்பட்டுள்ளதாக அறிவிக்கப்பட்டுள்ளது.

குறித்த நால்வரும் சிறைச்சாலை சுவரை உடைத்து வெளியேறி சிறைச்சாலை வாசலில் கடமையில் இருக்கும் பாதுகாப்பு அரண் அதிகாரியை கொலை செய்துவிட்டு தப்பிச் செல்வதே அவர்களின் திட்டமென்றும் விசாரணைகளில் கண்டறியப்பட்டுள்ளது. 

மனிதப்படுகொலை, பாலியல் குற்றம் ஆகியவற்றை புரிந்ததாக சந்தேகிக்கப்படும் குற்றவாளிகளே இவ்வாறு தப்பிச் செல்ல முயன்றுள்ளனர். ஏற்கனவே மகர சிறைச்சாலையிலிருந்து தப்பிச் செல்ல முற்பட்டவரும் இதில் அடங்குகிறார். 

சம்பவத்தின் பின்னர் குறித்த நால்வரும் பாதுகாப்பான சிறைக்கூடத்திற்கு மாற்றப்பட்டுள்ளதாகவும் சம்பவம் தொடர்பில் மேலதிக விசாரணைகள் நடைபெறுவதாகவும் சிறைச்சாலை அதிகாரி ஒருவர் தெரிவித்தார்.