முஸ்லிம்கள் மாடு அறுக்காமல், இறைச்சி சாப்பிடாமல் இருந்துவிட்டால் நடக்கப்போவது என்ன..?

B.S.Husni Razim BA(Econ)R,AATSL.

அஸ்ஸலாமு அலைக்கும் !

சில வருட காலமாக இந்த மாடு அறுத்தல் பிரச்சினையானது உலகெங்கும் பேசுபொருளாக இருந்து வருகிறது இது நமது  இலங்கையையும் ஆட்கொண்டிருப்பது  நாம் யாவரும் அறிந்ததே! 

இலங்கையில் தடை செய்து வெளிநாடுகளில் இருந்து இறக்குமதி செய்வதின் ஊடாக நல்லாட்சி அரசு என்ன சாதிக்க நினைக்கிறது என்பது கேள்விக்குறியாக உள்ளது.

"உள் நாட்டில் மாடு அறுக்காமல் வெளிநாடுகளில் இருந்து மாடுகளை இறக்குமதி செய்வதால் ஏற்படும் சாத்தியமான பொருளாதார மற்றும் சமூக நிகழ்வுகள் (விளைவுகள்)"

1. இறக்குமதி அதிகரித்து சென்மதி நிலுவை பாதிப்படையும்        (இதனுடன் இனைந்து பல்வெறு பொருளியல் விளைவுகள் காலப்போக்கில் ஏற்படலாம்)
Ex:- நாணய மாற்று வீதம் பாதிப்படைதல்.

2.வெளிநாடுகளில் தங்கிய ஒரு பொருளாதாரம் உருவாகுதல்.

3. உள்நாட்டு மாட்டு உற்பத்தி பொருளாதாரம் பாதிப்படைதல்.

4.இறக்குமதிக்கு பூரண சுதந்திரம் காணப்படுமாயின் ஏற்றுமதிக்கு பல நாடுகள் காணப்படுவதால் நிரம்பல் அதிகரித்து இறைச்சிக்கான விலை தற்பொழுதிலும் பார்க்க விலை வீழ்ச்சியடையும் மாறாக இறக்குமதிக்கு கட்டுப்பாடு நிலவுமாயின் தற்போதய விலையிலும் பார்க்க விலை அதிகரிக்க வாய்ப்பிருக்கிறது.

5.உள்நாட்டில் மாடுகளின் எண்ணிக்கை அதிகரித்து பாலின் நிரம்பல் அதிகரித்து விலை வீழ்ச்சியடைதலும் விவசாயிகள் பாதிப்படைதலும்.

6.மாடுகளை வளர்ப்பதற்கு விவசாயிகள் முன்வர தயங்குதல்.

7. இலங்கையின் பிரதான உற்பத்தியான நெற்காணிகள் கட்டாக்காளி மாடுகளால் சூறையாடப்படுதல்.

8. மாடுகள் எண்ணிக்கையில் அதிகரிப்பதால் அதிக வாகன விபத்துகள் இடம்பெரும்.

9.மாடுகளுக்கான உணவை பெற்றுக்கொள்வதில் போட்டி ஏற்படுதல்.

10.அழகான நகரங்கள்,மாநகரங்கள் அசிங்கப்படுத்தப்படுதல்.

11.மாட்டிறைச்சி வியாபாரிகள் தொழில் இழத்தல்.

12.மனித குடியிருப்புகள் மாடுகளால் சேதத்துக்கு உள்ளாதல்.

13.மாடுகளின் எண்ணிக்கை அதிகரிப்பால் பல்வேறு பட்ட நோய்கள் பரவ வாய்ப்பு அதிகம் மேலும் நோய் தடுப்பு மருந்துகள், மாடுகளுக்கான பராமரிப்பு செலவீனம் அரசிடம் சுமத்தப்படுதல் போன்ற பல்வேறு விளைவுகளை இந்த நல்லாச்சி அரசாங்கம் ஏற்க வேண்டிய நிலை உருவாகும்.

எவ்வாறாயினும் முஸ்லிம்களுக்கும் இதனால் கணிசமான பாதிப்பு ஹஜ் காலங்களில் ஏற்படும் என்பதை யாராலும் மறுக்க முடியாது.

மேலும் முஸ்லீம் ஆகிய நாம் ஒன்றை மறந்து விட கூடாது அல்லாஹ் ஹலால் ஆக்கிய எத்தனையோ உணவுகள் நமக்காக இருக்கின்றது (அல்ஹம்துலில்லாஹ்)

ஆகவே அற்ப இறைச்சிக்காக சண்டை , கலவரம்,ஆர்ப்பாட்டம் செய்த சமூகமாக மாறிவிடாமல் சுமூகமாக தீர்க்க வேண்டிய பொறுப்பு நம் அனைவரையும் சார்ந்து இருக்கிறது.

எனவே நமது முஸ்லீம்  அரசியல்  தலைமைகள் குறித்த விடயத்தில் பொறுப்புடன் நடந்து கொள்வது காலத்தின் தேவையும் கடமையும்  ஆகும்.

ஜெஸாக்குமுல்லாஹு ஹைரன்