வெலிகமவில் மாபெரும் பட்டமளிப்பு விழா

வெலிகம புதிய தெரு முர்ஸிய்யா அரபுக் கல்லூரியின் 15ஆவது பட்டமளிப்பு விழாவும், 130ஆவது அஸ்ஸாவியதுல் குத்ஸிய்யா மனாகிபுஷ் ஷாதுலி தமாம் மஜ்லிஸூம் நாளை 03ஆம் திகதி ஞாயிற்றுக்கிழமை இடம்பெறவுள்ளன.

அல்ஆலிம் பட்டமளிப்பு விழா கல்லூரி மண்டபத்தில் காலை 9.00 மணிக்கு கல்லூரியின் அதிபர் அல் உஸ்தாத் ஸூல்தான் ஏ. முஹ்யத்தீன் (பஹ்ஜி) தலைமையில் நடைபெறும். பிரதம அதிதியாக சர்வதேச மாணிக்கக்கல் மற்றும் ஆபரண கண்காட்சித் தலைவர் எம். எம். நவ்பல்; ஜாபிர் கலந்து கொள்வதோடு விசேட மற்றும் கௌரவ அதிதிகள் பலரும் கலந்து சிறப்பிக்கவுள்ளனர்.

பிரதம பேச்சாளர்களாக புத்தளம் ஷரபிய்யா அரபுக் கல்லூரிப் பணிப்பாளர் கலீபதுல் குலபா அஷ்ஷேக் ஜே. அப்துல் ஹமீத் (பஹ்ஜி) மற்றும் புத்தளம் ஆத்மீக ஓருமைப்பாட்டு நிலையத் தலைவர் அஷ்ஷேக் எச். அப்துல் நாஸர் (ரஹ்மானி) ஆகியோர் கலந்து கொள்கின்றனர்.

இவ்விழாவில் 13 மாணவர்கள் அல் ஆலிம் பட்டம் பெற்று வெளியேறுகின்றனர்.

 எம். எப். மொஹமட் (வெலிகம).