முஸ்லிம்களின் வியாபாரத்தை புறக்கணிப்போம், பேரு­வளையில் இனவாத போஸ்டர்கள்

பேரு­வளை பிர­தே­சத்தில் நேற்று முன்­தினம் இரவு பல்­வேறு பகு­தி­க­ளிலும் இன­வா­தத்தை தூண்டும் சிங்­கள மொழி­யி­லான போஸ்­டர்கள் ஒட்­டப்­பட்­டுள்­ளன.

சிங்­கள மக்கள் செறிந்து வாழும் பகு­தி­களில் ஒட்­டப்­பட்­டுள்ள குறித்த போஸ்­டர்­களில் ''முஸ்­லிம்­களின் வியா­பா­ரத்தை புறக்­க­ணிப்போம், சர்வ மத ஒற்­று­மையை இல்­லா­தொ­ழிப்போம், சிங்­கள குழந்­தை­களை பாது­காப்போம்'' எனும் அர்த்தம் கொண்ட வாச­கங்கள் அச்­சி­டப்­பட்­டுள்­ளன.

பேரு­வளை பிர­தேச சபைக்­குட்­பட்ட, ஹெட்­டி­முல்ல, பாட­கொட மற்றும் பேரு­வளை நகர பிர­தான வீதி­களில் இந்த போஸ்­டர்கள் ஒட்­டப்­பட்­டுள்­ளன. இது தொடர்பில் பேரு­வளை பிர­தேச சபையின் முன்னாள் எதிர்க்­கட்சித் தலைவர் ஏ.ஆர்.எம்.பதி­யுதீன், அளுத்­கம பொலிஸ் நிலைய பொறுப்­ப­தி­கா­ரியின் கவ­னத்­திற்கு கொண்டு சென்­ற­தை­ய­டுத்து போஸ்­டர்கள் பொலி­சா­ரினால் அகற்­றப்­பட்­டுள்­ளன.

இது தொடர்பில் பேரு­வளை பிர­தேச சபையின் முன்னாள் எதிர்க்­கட்சித் தலைவர் ஏ.ஆர்.எம்.பதி­யுதீன் Vi க்கு கருத்து தெரி­விக்­கையில், இவ்­வா­றான இன­வாத செயற்­பா­டுகள் கவலை தரு­கின்­றன.

கடந்த அர­சாங்­கத்தின் ஆட்சிக் காலத்தில் இவ்­வா­றான இன­வாத செயல்கள் தலை­தூக்­கி­யதன் வெளிப்­பா­டா­கவே அளுத்­கம நகரில் பாரிய வன்­மு­றைகள் தோற்றம் பெற்­றன. இதன் கார­ண­மாக குறித்த அர­சாங்கம் அழிவைச் சந்­திக்க வேண்­டிய நிலை ஏற்­பட்­டது. இந் நிலை தற்­போ­தைய நல்­லாட்சி அர­சாங்­கத்­திற்கும் வந்­து­விடக் கூடாது. 

மீண்டும் தலை தூக்கும் இவ்­வா­றான இன­வாத செயற்­பா­டு­களை அர­சாங்கம் கட்­டுப்­ப­டுத்த முன்­வர வேண்டும்.

இல்­லா­விடின் எதிர்­வரும் உள்ளூராட்சித் தேர்தலில் அரசாங்க தரப்பினர் கடுமையான பாதிப்புகளை சந்திக்க வேண்டி வரும் என்பதையும் நினைவுபடுத்த விரும்புகிறேன் என்றார்.