'சிங்ஹ லே' என்­கிற இன­வாத பிரச்­சாரம் - எதிர்­கா­லத்தில் ஆபத்தை ஏற்­ப­டுத்­தலாம்..!

/SNM.Suhail/

நாட்டில் இனந்­தெ­ரி­யாத குழு­வொன்­றினால் முன்­னெ­டுத்­துச்­செல்­லப்­படும் 'சிங்ஹ லே' என்­கிற இன­வாத  பிரச்­சாரம் குறித்து அர­சாங்கம் அதிக கவனம் செலுத்தி வரு­வ­தாக பாது­காப்பு இரா­ஜாங்க அமைச்சர் ருவான் விஜ­ய­வர்­தன தெரி­வித்­துள்ளார். 

'சிங்ஹ லே' இன­வாத பிர­சாரம் குறித்து முஸ்­லிம்கள் கொண்­டுள்ள அச்ச நிலைமை தொடர்பில் கொழும்பு மாவட்ட பாரா­ளு­மன்ற உறுப்­பினர் முஜிபுர் ரஹ்மான் பாது­காப்பு அமைச்சின் கவ­னத்­திற்கு கொண்டு வந்த போதே இரா­ஜாங்க அமைச்சர் ருவான் விஜ­ய­வர்­தன இவ்­வாறு தெரி­வித்­துள்ளார். 

இது தொடர்பில் பாரா­ளு­மன்ற உறுப்­பினர் முஜிபுர் ரஹ்மான் Vi க்குக் கருத்துத் தெரி­விக்­கையில், 

இனந்­தெ­ரி­யாக குழு­வொன்று இன­வாத செயற்­பா­டு­களை முன்­னெ­டுத்துச் செல்­கின்­றது. இது நல்­லாட்சி அர­சாங்­கத்­திற்கு சவால் விடும் முக­மாக திறை­ம­றை­வி­லி­ருந்து செயற்­ப­டு­கின்­றனர். இது எதிர்­கா­லத்தில் ஆபத்தை ஏற்­ப­டுத்­தலாம் என்­கிற அச்சம் நில­வு­கின்­றது. 

கடந்த 2015 ஜன­வரி 8 ஆம் திகதி மக்கள் இன­வா­தத்தை தேற்­க­டித்­தனர். புதிய அர­சா­னது இனவாத செயற்­பா­டு­களை எதிர்க்கும் தேசப்­பற்­றுள்ள மக்­களால் உருவாக்­கப்­பட்­ட­தாகும். அர­சாங்­கத்துடன் சவால் விடு­வ­தற்­கா­க­ சில அமைப்­புக்கள் 'சிங்ஹ லே' என்­கிற கோசத்­துடன் கள­மி­றங்­கி­யுள்­ளன. இந்தக் கும்பல் அச்சம் கார­ண­மாக நேர­டி­யாக கள­மி­றங்­காது திரை மறை­வி­லி­ருந்து செயற்­ப­டு­கின்­றனர்.

இந்தப் பிர­சார நட­வ­டிக்­கை­யா­னது திட்­ட­மிட்ட செயற்­பா­டாகும். இதற்கு பின்னால் பல­மான சக்­திகள் இயங்­கலாம் என ஊகிக்க முடி­கின்­றது. 

சமூக வலைத்­த­ளங்கள் மூல­மா­கவே இப்­பி­ரசார நட­வ­டிக்­கைகள் ஆரம்­பிக்­கப்­பட்­டுள்ளன. எனவே இது குறித்து தொலைத்­தொ­டர்பு மற்றும் நவீன தொழி­நுட்ப உட்­கட்­ட­மைப்பு அமைச்­ச­ரான ஹரீன் பெர்­ணான்­டோவின் கவ­னத்­திற்கு கொண்டு வந்தேன். அத்­துடன் நேற்­றைய தினம் இவ்­வி­டயம் குறித்து பாது­காப்பு அமைச்­சரை தொடர்­பு­கொண்டு தெரி­வித்தேன். 

இதன்­போது பாது­காப்பு அமைச்சர் , ''இன­வாதப் பிரச்­சா­ர­மாக முன்­னெ­டுக்­கப்­படும் 'சிங்ஹ லே' விவ­காரம் குறித்து பல முறைப்­பா­டுகள் கிடைக்­கப்­பெற்­றுள்­ளன. இந்த இன­வாத பிரச்­சாரம்  குறித்து நாம் கூடிய கவனம் செலுத்தி வரு­கின்றோம்.  இன­வாத பிரச்­சாரம் மேற்­கொள்­ப­வர்கள் திரை மறை­வி­லி­ருந்து செயற்­ப­டு­கின்­ற­மையால் இது குறித்து பாது­காப்பு அமைச்சு ஆராய்ந்து வரு­கின்­றது. முழு­மை­யான அறிக்கை விரைவில் தயா­ரிக்­கப்­படும்.

நாட்டில் இன­வா­தத்தை தூண்டும் வித­மாக செயற்­படும் குறித்த கும்­ப­லுக்கு எதி­ராக நட­வ­டிக்கை எடுக்­கப்­படும். அத்துடன் இந்த நடவடிக்கைகள் குறித்து பொது பல சேனா அமைப்பினர் மீது சந்தேகம் நிலவுகின்றது '' என என்­னிடம் கூறினார்  என முஜிபுர் ரஹ்மான் தெரி­வித்தார். 

அத்­துடன், இவ்­வி­வ­காரம் தற்­போது மிக தீவி­ர­மாக முன்­னெ­டுக்­கப்­ப­டு­வதை சில பஸ், முச்­சக்­கர வண்டி மற்றும் கார்­களில் 'சிங்ஹ லே' என்­னும் ஸ்டிகர்கள் ஒட்­டப்­பட்­டி­ருப்­பதை காணக்­கூ­டி­ய­தாக உள்­ளன.

இதற்கு உட­ன­டி­யாக அதி­ரடி நட­வ­டிக்கை எடுக்­கப்­பட வேண்டும் என அர­சாங்­கத்­துக்கு தொடர்ந்தும் அழுத்தம் கொடுக்­க­வுள்ளேன். 

அது மாத்­தி­ர­மின்றி இன்­றைய தினம் பாது­காப்பு அமைச்சர் ஜனா­தி­பதி மைத்­தி­ரி­பால சிறி­சேன மற்றும் பிரதிப் பொலிஸ்மா அதிபர் ஆகியோருக்கு இது­கு­றித்து உட­னடி நட­வ­டிக்கை எடுக்­கு­மாறு கடி­த­மொன்றை கைய­ளிக்­க­வுள்ளேன். 

இதே­வேளை நேற்­றைய தினம் நுகே­கொட பகு­தி­யி­லுள்ள முஸ்லிம் வீட்டொன்றின் நுழைவாயிலில் பெயின் மூலம் 'சிங்ஹ லே'  எழுதியிருக்கின்றனர்.

ஆண்கள் துணையற்ற பெண்கள் மட்டும் வசிக்கும் குடும்பமென்பதால் அவர்கள் மிகுந்த அச்சமடைந்துள்ளனர்.

இவ்வாறான செயற்பாடுகளானது மீண்டு பதற்ற சூழ்நிலைகளை ஏற்படுத்திவிடுமோ என்கிற அச்சத்தை ஏற்படுத்துகின்றது என முஜிபுர் ரஹ்மான் மேலும் தெரிவித்தார்.