மாத்தறையில் தீ விபத்து, கடைகளுக்கு சேதம்

மாத்தறை கொட்டுவேகொட பிரதேசத்தில் இடம்பெற்ற தீ விபத்தில் சில கடைகளுக்கு சேதம் ஏற்பட்டுள்ளது.

கொட்டுவேகொட பிரதேசத்தில் அமைந்துள்ள மீன்பிடி உபகரண கடையொன்றில் தீப்பற்றிக்கொண்டதாகத் தெரிவிக்கப்படுகிறது.

அந்த தீ அண்டைய கடைகளுக்கும் பரவிகொண்டதாக சம்பவத்தை நேரில் பார்த்தவர்கள் தெரிவிக்கின்றனர்.

தங்காலை மற்றும் மாத்தறை தீயணைப்புப் படையினர் தீயை கட்டுப்படுத்த அழைக்கப்பட்டிருந்தனர்.

தீ விபத்திற்கான காரணங்கள் இன்னமும் கண்டறியப்படவில்லை எனவும், விபத்தில் எவருக்கம் உயிர் ஆபத்தோ, காயங்களோ ஏற்படவில்லை எனவும் பொலிஸார் தெரிவிக்கின்றனர்.

எவ்வாறெனினும் கடைகளுக்கு சேதம் ஏற்பட்டுள்ளதாகவும் சேத விபரங்கள் மதிப்பீடு செய்யப்படவில்லை எனவும் குறிப்பிட்டுள்ளனர்.