ஞானசார வரவில்லை - நீதிபதி கடும் எச்சரிக்கை

குர்ஆன் அவ­ம­திப்பு வழக்கில் பிர­தி­வா­தி­யான பொது­ப­ல­சேனா அமைப்பின் பொதுச் செய­லா­ள­ரான கல­கொட அத்தே ஞான­சார தேரர் நேற்று (11) நீதி­மன்றில் ஆஜ­ரா­கா­த­தனால் நீதிவான் அவ­ரது சார்பில் ஆஜ­ரான சட்­டத்­த­ர­ணி­யிடம் கடும் எச்­ச­ரிக்கை விடுத்தார்.

இதன் பிறகு ஞான­சார தேரர் நீதி­மன்றில் ஆஜ­ரா­காது விடின் அவ­ருக்கு எதி­ராக கடும் சட்ட நட­வ­டிக்கை எடுக்­கப்­படும் எனத் தெரி­வித்­த­துடன் இரு சரீரப் பிணை­க­ளுக்­காக தகு­தி­வாய்ந்த இரு­வரை அடுத்த தவ­ணைக்கு அழைத்து வர வேண்டும் என்றும் உத்­த­ர­விட்டார்.

ஞான­சார தேரரின் சார்பில் நீதி­மன்றில் ஆஜ­ரா­கி­யி­ருந்த சட்­டத்­த­ரணி சுதர்­சன குண­ரத்ன ஞான­சார தேரர் நேற்று நீதி­மன்றில் ஆஜ­ரா­கா­மைக்­கான கார­ணங்­களை விளக்­கினார். 

ஜப்­பானில் பௌத்த விகா­ரை­யொன்றின் திறப்பு விழா­வுக்கு அவர் சென்­றி­ருப்­ப­தா­கவும் பெப்­ர­வரி மாதமே இலங்கை திரும்­ப­வுள்­ள­தா­கவும் பெப்­ர­வரி மாதம் அடுத்த விசா­ரணைத் தவ­ணையை குறிக்­கும்­படி நீதி­வானை வேண்டிக் கொண்டார். 

மாதக் கணக்கில் விசா­ரணைத் திக­தியை பின் தள்ள முடி­யா­தெ­னவும் மூன்று வார­ கால அவ­கா­சமே வழங்க முடி­யு­மென்று தெரி­வித்த கொழும்பு நீதிவான் நீதி­மன்ற நீதிபதி பிரி­யந்த லிய­னகே விசா­ர­ணையை பெப்­ர­வரி மாதம் 1 ஆம் திக­திக்கு ஒத்­தி­வைத்தார்.

கொழும்பு நிப்போன் ஹோட்­டலில் நடை­பெற்ற ஊட­க­வி­ய­லாளர் மாநாட்டில் பல­வந்­த­மாக பிர­வே­சித்து குழப்பம் விளை­வித்த ஞான­சார தேரர் கொம்­பனித் தெரு பொலிஸ் நிலை­யத்தில் வாக்கு மூல­ம­ளித்து விட்டு வெளியில் வந்து குர்­ஆனை அவ­ம­தித்துப் பேசினார்.

இவ­ருக்கு எதி­ராக மொஹமட் நூர்தீன் தாஜுதீன் என்­ப­வரால் வழக்கு தாக்கல் செய்­யப்­பட்­டமை குறிப்­பி­டத்­தக்­கது.

கடந்த விசா­ரணைத் தவ­ணை­யின்­போது நீதி­மன்றில் கொழும்பு குற்றத் தடுப்பு பிரி­வினர் ஞான­சார தேர­ருக்கு எதி­ரான குற்றப் பத்­தி­ரி­கையைச் சமர்ப்­பித்­தனர். ஞான­சார தேரர் தன் மீது சுமத்­தப்­பட்­டுள்ள குற்­றங்­களை ஏற்றுக் கொள்­ள­வில்லை தான் நிர­ப­ராதி என்றார். இத­னை­ய­டுத்து அவர் பிணையில் விடு­தலை செய்­யப்­பட்டார்.

நேற்று நீதி­மன்றில் சட்­டமா அதிபர் திணைக்­க­ளத்தின் சிரேஷ்ட சட்­டத்­த­ரணி ஒருவர் ஆஜ­ரா­கி­யி­ருந்தார். சட்­டமா அதிபர் திணைக்­க­ளமே இந்த வழக்கில் ஆஜ­ராக வேண்டும் எனவும் விசா­ர­ணையில் சில திருத்­தங்­களைச் செய்ய வேண்­டி­யுள்­ள­தா­கவும் அவர் நீதி­ப­தி­யிடம் தெரி­வித்தார். அடுத்த தவ­ணை­யி­லி­ருந்து தாமே ஆஜ­ரா­கு­வ­தா­கவும் கூறினார்.

முறைப்­பாட்­டுக்­காரர் சார்பில் RRT அமைப்பின் சிரேஷ்ட சட்­டத்­த­ர­ணிகள் சிராஸ் நூர்தீன், மைத்­திரி குண­ரத்ன, சரத் சிறி­வர்­தன ஆகியோர் ஆஜ­ரா­கி­யி­ருந்­தனர்.

ஞான­சார தேரர் தான் நீதிமன்றில் ஒருபோதும் ஆஜராகப் போவதில்லை என ஊடக மாநாடுகளில் தெரிவித்துள்ளார்.

அதனால் நீதிமன்றம் ஞானசார தேரர் மீது சட்டத்தை கடுமையாக அமுல்நடத்த வேண்டும் என சிரேஷ்ட சட்டத்தரணி சிராஸ் நூர்தீன் நீதிவானை வேண்டிக் கொண்டார். ARA.Fareel