ஓரினச் சேர்க்கை மோகம் - வீடுகளைவிட்டு ஓடிய மாணவியும், யுவதியும் கைது

ஓரினச் சேர்க்கை மோகத்தில் வீடுகளை விட்டு ஓடிச் சென்ற பாடசாலை மாணவி ஒருவரையும், யுவதி ஒருவரையும் பொலிஸார் கைது செய்துள்ளனர்.

மீரிகம பிரதேசத்தைச் சேர்ந்த 15 வயதான பாடசாலை மாணவி ஒருவரும், 20 வயதான யுவதி ஒருவருமே இவ்வாறு அவிசாவளை பொலிஸாரினால் கைது செய்யப்பட்டுள்னர்.

அண்மையில் அவிசாவளை பஸ் நிலையத்திற்கு அருகாமையில் சந்தேகத்திற்கு இடமான முறையில் நின்று கொண்டிருந்த இருவர் பற்றி, அருகாமையில் இருந்த முச்சக்கர வண்டி சாரதியொருவர் பொலிஸாருக்கு அறிவித்துள்ளார். அதனைத் தொடர்ந்து குறித்த இடத்திற்கு விரைந்த பொலிஸார் இருவரையும் கைது செய்துள்ளனர்.

இருவரும் ஓரினச் சேர்க்கையில் நாட்டம் கொண்டு நட்பு கொண்டிருந்தமை விசாரணைகளின் மூலம் தெரியவந்துள்ளது.

இது தொடர்பில் பெற்றோர் விரும்பாத காரணத்தினால் வீட்டை விட்டு வெளியேறியதாக பாடசாலை மாணவியும் யுவதியும் தெரிவித்துள்ளனர்.

இந்த சம்பவம் குறித்து அவிசாவளை பொலிஸார் மேலதிக விசாரணைகளை நடத்தி வருகின்றனர்.

மேலதிக விசாரணைகளுக்காக இந்த இருவரையும் அவிசாவளை பொலிஸார் மீரிகம பொலிஸாரிடம் ஒப்படைக்க உள்ளனர்.