தைபா அறபுக்கல்லூரியில் இருந்து, சகல மாணவிகளும் பல்கலைக்கழக அனுமதிக்கு தகுதி

(அஸ்லம் எஸ்.மௌலானா)

சாய்ந்தமருதில் இயங்கி வரும் தைபா மகளிர் அறபுக்கல்லூரியில் இருந்து  க.பொ.த.உயர்தர பரீட்சைக்கு தோற்றிய சகல மாணவிகளும் திறமையாக சித்தியடைந்ததுடன் சகலரும் பல்கலைக்கழக அனுமதிக்கு தகுதி பெற்றுள்ளனர். 

மௌலவி எஸ்.எச்.ஆதம்பாவா(மதனி) தலைமையில் 2012இல் உருவான மேற்படி அறபுக்கல்லூரிக்கு  சாதாரண தர பரீட்சையில் சித்தியடைந்த மாணவிகள் உள்வாங்கப்பட்டு அறபுக்கல்வியோடு க.பொ.த.உயர் தர பாடங்களும்  நடத்தப்படுகின்றன.

முதன்முதலாக இப்பரீட்சைக்கு  தோற்றிய மாணவிகள் 100% சித்தியடைந்துள்ளனர். இது கல்லூரிக்கு  பெருமையை தேடி தருவதாகவும் சிறந்த உற்சாகத்தை ஏற்படுத்துவதாகவும் கல்லூரி அதிபர் மௌலவி எஸ்.எச். ஆதம்பாவா (மதனி)  தெரிவித்தார்.