'சிங்­ஹலே' யை கட்டுப்படுத்தாவிட்டால், 'மரக்­கலே' உரு­வா­கு­ம் - சிசிர சி விதா­னகே

(எம்.ஆர்.எம்.வஸீம்)

நாட்டில் இனப்­பி­ரச்­சி­னையை தூண்டும் வகையில் செயல்­படும் 'சிங்­ஹ லே' அமைப்பை தடை­செய்­வ­தற்கு பொலிஸ்மா அதிபர் நட­வ­டிக்கை எடுக்க வேண்டும் என ஊட­க­வி­ய­லா­ளர்­களின் தேசிய ஒன்­றி­ணைவு கோரிக்கை விடுத்­தது.  

இவர்­க­ளூ­டாக இனங்­க­ளுக்­கி­டையில் ஏதேனும் அசம்­பா­வி­தங்கள் ஏற்­பட்டால் அதற்கு ஜனா­தி­பதி பிர­தமர் மற்றும் பொலிஸ்மா அதிபர் ஆகியோர் பொறுப்புக் கூற­வேண்டும் எனவும்  அந்த அமைப்பு குறிப்­பிட்­டது. 

ஊட­க­வி­ய­லா­ளர்­களின் தேசிய ஒன்­றி­ணைவு நேற்று கொழும்பில் நடத்­திய செய்­தி­யாளர் மாநாட்டில் கலந்து கொண்டு உரை­யாற்­று­கை­யி­லேயே அதன் தலைவர் சிசிர சி விதா­னகே மேற்­கண்­ட­வாறு தெரி­வித்தார்.  அவர் மேலும் கூறு­கையில், 

இனங்­களை அச்­சு­றுத்தும் வகையில் ஏற்­ப­டுத்­தப்­படும் பிரி­வுகள் சமூ­கத்தின் அழி­வுக்கே இட்டுச் செல்லும். தற்­போது நாட்டில் உரு­வா­கி­யுள்ள ‘சிங்­ஹலே’ என்ற அமைப்பு நாட்டில் இனங்­க­ளுக்­கி­டையில் பிரச்­சி­னையை தூண்டும் வகையில் செயல்­ப­டு­கின்­றது. அதன் இலச்­சி­னைகள் இலங்கை போக்­கு­வ­ரத்­துச்­ச­பைக்கு  சொந்­த­மான பஸ்­க­ளிலும் ஒட்­டப்­பட்­டி­ருந்­தன.

ஆனால் இது தொடர்­பாக அர­சாங்கம் நட­வ­டிக்கை எடுக்­காமல் இருப்­பது மக்கள் மத்­தியில் சந்­தே­கத்தை ஏற்­ப­டுத்­தி­விடும். அத்­துடன் அர­சாங்­கத்தின் மூலம் நாட்­டிற்கு நன்மை கிடைப்­பதை ஒரு­போதும் எதிர்க்­கட்­சியில் இருப்­ப­வர்கள் விரும்­ப­மாட்­டார்கள்.

அவ்­வாறு நடந்தால் அதன் பிறகு அவர்­க­ளுக்கு அர­சியல் செய்­வ­தற்கு முடி­யாமல் போகும் என்ற அச்சம் இருக்­கி­றது.

 அன்­றி­ருந்த ஆட்­சி­யா­ளர்கள் 1956 இல் இடம்­பெற்ற கல­வ­ரத்தின் பின்­ன­ணியை தேடிப்­பார்த்து நட­வ­டிக்கை எடுத்­தி­ருந்தால் 30 வருட யுத்தம் இந்த நாட்டில் இடம்­பெற்­றி­ருக்­காது.

அதே­போன்றே தற்­போது இனப்­பி­ரச்­சி­னையை தூண்டும் வகையில் செயல்­படும் ‘சிங்­ஹலே’ என்ற அமைப்பை கட்­டுப்­ப­டுத்த நட­வ­டிக்கை எடுக்­கா­விட்டால் இதற்கு எதி­ராக ‘கொட்­டிலே’, ‘மரக்­கலே’ என்ற பெயர்­க­ளிலும் அமைப்­புகள் உரு­வா­கு­வதை தடுக்க முடி­யாமல் போய்­விடும்.

மேலும் இந்த ‘சிங்­ஹலே’ அமைப்பின் பின்­ன­ணியில் பொது பல­சேனா, சிங்­கள ராவய மற்றும் நீலப்­ப­டை­யணி ஆகிய அமைப்­புகள் இருக்­கின்­றமை  உறு­தி­யா­கி­யுள்­ளது.

அத்­துடன் இது போன்ற அமைப்­பு­களில் கூடு­த­லாக மாண­வர்­க­ளையே இணைத்துக் கொள்­வார்கள். ஏன் என்றால் தற்­போ­துள்ள மாண­வர்­க­ளுக்கு யுத்­தத்தின் தாற்­ப­ரியம் தெரி­யாது. அதனால் இதனைக் கொண்டு செல்­வ­தற்கு மாண­வர்­க­ளையே பயன்­ப­டுத்­து­கின்­றனர்.

எனவே நாட்டில் இனப்­பி­ரச்­சி­னையை தூண்டும் வகையில் உருவாகும் அமைப்புகள் மற்றும் இலச்சினைகளை தடைசெய்வதற்கும் பொலிஸ்மா அதிபர் நடவடிக்கை எடுக்க வேண்டும்.

இல்லாவிட்டால் நாட்டில் மீண்டும் அசாதாரண நிலைமைகள் ஏற்பட்டதன் பின்னர் நடவடிக்கை எடுப்பதில் எந்த பயனும் இல்லாமல் போகும் என்றார்.