ஜனாதிபதி மைத்திரிக்கு எதிராக, கடும் கண்டனங்கள்..!

 புலிகளின் முன்னாள் உறுப்பினர் சிவராஜா ஜெனிபனுக்கு மன்னிப்பு வழங்கி விடுதலை செய்தமைக்கு எதிராக சில சிங்கள கடும் போக்குவாதிகள் சமூக வலைத்தளங்களில் விமர்சனங்களை முன்வைத்து வருகின்றனர்.

இவர்களில் பலர் முன்னாள் ஜனாதிபதியின் புகைப்படத்தை தமது வலைத்தள கணக்குகளில் பதிவேற்றியுள்ளனர்.

ஜெனிபனை, ஜனாதிபதி விடுதலை செய்தமை குறித்து கெலும் பிரியங்கர என்ற ஒருவர், தாய் நாட்டுக்காக போரிட்ட படையினர் சிறையில், ஈழத்திற்காக போரிட்ட புலிகளுக்கு விடுதலை. இதுதான் ஒரு வருடத்தின் மாற்றம் எனக் குறிப்பிட்டுள்ளார்.

பிரபாகரனை சிறையில் அடைத்திருந்தால், அவரையும் கட்டாயம் விடுதலை செய்திருப்பார்கள்.

நாட்டுக்காக போரிட்ட சுனில் ரத்நாயக்க போன்ற படையினர் சிறையில் அடைக்கப்பட்டுள்ளனர் என்பது உங்களுக்கு மறந்து விட்டதா?.

புலிகளை விடுதலை செய்யும் போது நாட்டுக்காக அந்த படையினரை விடுதலை செய்யுங்கள். இவர்கள் நாடுக்கு சுதந்திரத்தை பெற்றுக்கொடுக்க போரிட்டனர். இந்த மனுசன் ஈழத்தை உருவாக்க போரிட்டான். 

ஈழத்திற்காக போராடியவர்களுக்கு விடுதலை. சிங்க கொடிக்காக நாட்டை பாதுகாத்த படையினருக்கு சிறை. இதனையா நல்லாட்சி எனக் கூறிக்கொண்டு ஆடுகிறீர்கள் எனவும் கெலும் பிரியங்கர தனது சமூக வலைத்தள கணக்கில் பதிவிட்டுள்ளார்.

பேஸ்புக் உட்பட பல சமூக வலைத்தளங்களில் பல்வேறு பெயர்களில் கணக்குகளை ஆரம்பித்து பிரசாரங்களை முன்னெடுத்து வருகின்றமை குறிப்பிடத்தக்கது.