முஸ்லிம்களின் உரிமைகளுக்காக நான், தொடர்ந்தும் குரல் கொடுப்பேன் - ராஜித திட்டவட்டம்

இந்த நாட்டில் தேசியம் ஐக்கியப்படவேணடுமாயின் மகிந்த ராஜபக்சவை அரசியலில் இருந்து தோற்கடிக்கப்படவேணடும் என சுகாதார அமைச்சர் ராஜித சேனாரத்ன தெரிவித்துள்ளார்.

அளுத்கமவில் நடைபெற்ற கூட்டம் ஒன்றில் பேசும் போதே அவர் இதனை கூறியுள்ளார்.

முஸ்லிம்களின் உரிமைகளுக்காக தான் தொடர்ந்தும் குரல் கொடுப்பதாக அமைச்சர் ராஜித சேனாரத்ன தெரிவித்துள்ள அவர்,

பௌத்த பிக்குமார் அன்று முஸ்லிம் மக்களின் உணவு குறித்து தீர்மானம் ஒன்றை எடுத்த போதிலும் அதனை நிறைவேற்ற எவருக்கும் இடமளிக்க மாட்டோம்.

2015 ஜனவரி 8 மாற்றத்திற்கு இலங்கை மக்கள் என்ற வகையில் முஸ்லிம் மக்களே அதிகளவில் பங்களிப்பு வழங்கினர்.

ராஜபக்சவினரை பாதுகாப்பதையே அன்று நாட்டை பாதுகாப்பதாக கூறினார்கள். எனினும் தற்போது நல்லாட்சி அரசாங்கம் நாட்டு மக்களை பாதுகாத்து வருகிறது.

நாங்கள் வெள்ளை வான் யுகத்தை முடிவுக்கு கொண்டு வந்தோம். தேசிய ஐக்கியம் வேண்டுமாயின் மகிந்த ராஜபக்ச தோற்கடிக்கப்பட வேண்டும் எனவும் ராஜித சேனாரத்ன குறிப்பிட்டுள்ளார்.