முஸ்லிம்களுக்கு எதிரான, இனவாதம் தலைதூக்குகிறது - சந்திரிக்கா

ஸ்ரீலங்கா சுதந்திரக் கட்சியில் உள்ளவர்கள், முன்னாள் ஜனாதிபதி மஹிந்த ராஜபக்ச தலைமையில் புதிய கட்சியை உருவாக்கவுள்ளமை தொடர்பில் உரிய நடவடிக்கைகளை கட்சியின் தலைவரான ஜனாதிபதி மைத்திரிபாலவே எடுக்க வேண்டும் என்று முன்னாள் ஜனாதிபதி சந்திரிக்கா குமாரதுங்க தெரிவித்துள்ளார்.

இந்தவிடயத்தை கையாள முன்னர் கட்சியின் தலைவியாக இருந்த போது தமக்கு தெரிந்திருந்தது என்றும் அவர் குறிப்பிட்டுள்ளார்.

கண்ணொருவ ரணபித ராஜகீய வித்தியாலயத்தில் இடம்பெற்ற தைப்பொங்கல் நிகழ்வை அடுத்து ஊடகவியலாளர்கள் எழுப்பிய கேள்வி ஒன்றுக்கே சந்திரிக்கா இந்த பதில்களை வழங்கினார்.

சிங்கள சமூகம் என்று கூறி மலிவான அரசியல் நோக்கங்களை கொண்டு செயற்படும் போது சிறுபான்மையினர் புறக்கணிக்கப்படுகின்றனர்.

இதன் காரணமாக தமிழர்களுக்கும் முஸ்லிம்களுக்கும் எதிரான இனவாதம் தலைதூக்குவதாகவும் சந்திரிக்கா சுட்டிக்காட்டியுள்ளார்.