இலங்கை கிரிக்கெட் தலைவராக திலங்க சுமதிபால, அர்ஜூன ரணதுங்க தோல்வி

இலங்கை கிரிக்கெட் நிறுவனத்தின் தலைவராக திலங்க சுமதிபால தெரிவு செய்யப்பட்டுள்ளார்.

இலங்கை கிரிக்கெட் நிறுவனத்தின் தேர்தல் இன்று (03) நடைபெற்ற நிலையிலேயே அவர் தலைவராக தெரிவு செய்யப்பட்டுள்ளார். 

திலங்க சுமத்திபால 88 வாக்குகளையும், நிஷாந்த ரணதுங்க 56 வாக்குகளையும் பெற்றுக் கொண்டுள்ளதாக தெரிவிக்கப்படுகின்றது. 

இதன்படி, 32 மேலதிக வாக்குகளினால் திலங்க சுமதிபால இலங்கை கிரிக்கெட் நிறுவனத்தின் தலைவராக தெரிவு செய்யப்பட்டுள்ளமை குறிப்பிடத்தக்கது.

ஸ்ரீலங்கா கிரிக்கெட் நிறுவனத்தின் உதவி தலைவர்களாக ஜெயந்த, மதிவாணன் தெரிவு!

ஸ்ரீலங்கா கிரிக்கெட் நிறுவனத்தின் உதவி தலைவர் பதவிக்கு ஜெயந்த தர்மதாஸ தெரிவு செய்யப்பட்டுள்ளார்.

இன்று ஸ்ரீலங்கா கிரிக்கெட்டுக்காக இடம்பெற்ற தேர்தலின் போது உதவி தலைவர் தெரிவின் போது ஜெயந்த தர்மதாஸவுக்கு 102 வாக்குகள் கிடைத்தன.

கே.மதிவாணனும்; 90 வாக்குகளுடன் உதவி தலைவராக தெரிவு செய்யப்பட்டார்.

எனினும் அமைச்சர் அர்ஜூன ரணதுங்க 80 வாக்குகளை மாத்திரமே பெற்றார்.

ஸ்ரீலங்கா கிரிக்கெட்டின் செயலாளராக மொஹான் டி சில்வா தெரிவாகியுள்ளார்

ஸ்ரீலங்கா கிரிக்கெட்டின் உதவி செயலாளராக ரவீன் விக்கிரமரட்ன தெரிவு செய்யப்பட்டுள்ளார்

இன்று இடம்பெற்ற ஸ்ரீலங்கா கிரிக்கெட் தேர்தலில் 113 வாக்குகளை பெற்று அவர் உதவி செயலாளராக தெரிவானார்.

கொழும்பில் இன்று இடம்பெற்ற ஸ்ரீலங்கா கிரிக்கெட்டின் தேர்தலின் போது இந்த தெரிவு இடம்பெற்றது.

ஸ்ரீலங்கா கிரிக்கட்டின் தேர்தலில் சமி சில்வா பொருளாளராக தெரிவு செய்யப்பட்டுள்ளார். அவருக்கு 115 வாக்குகள் கிடைத்தன.

இதேவேளை சமியை எதிர்த்து போட்டியிட்ட, .நாரங்கொட 28 வாக்குகளையே பெற்றார்.