முதலை இறைச்சியுடனும், 34 முதலை முட்டைகளுடனும் இருவர் கைது

கவுடுல்ல தேசிய பூங்கா 'ரோட வௌ' மீன்பிடித்துறைக்கு அருகில் பிடிக்கப்பட்டு, இறைச்சியாக்கப்பட்ட 12 அடி முதலையுடன் இருவர், சந்தேகத்தின் பேரில் நேற்று செவ்வாய்க்கிழமை கைதுசெய்யப்பட்டுள்ளனர். 

கைதுசெய்யப்பட்ட சந்தேகநபர்களிடம் இருந்து, 34 முதலை முட்டைகள் மற்றும் 100  கிலோகிராம் முதலை இறைச்சி என்பன கைப்பற்றப்பட்டுள்ளன. அருகி வரும் இனமான முதலை, பாதுகாக்கப்பட  வேண்டிய உயிரினமாக காணப்படுகின்றது. முதலையைக் கொல்லுதல், இறைச்சியாக்கல், வீட்டில் வளர்த்தல் என்பன சட்டவிரோதமான செயல்களாகும் என்பது குறிப்பிடத்தக்கது.