இலங்கை 2 சமூக பிரச்சினைகளிற்கு தீர்வை காணவேண்டியுள்ளது - ரணில்

-Gtn-

இலங்கையின் நன்கு கல்விகற்ற மக்களின் அபிலாசைகளை பூர்த்திசெய்யும் விதத்தில் சீர்திருத்தங்களை துரிதப்படுத்துவதும், எங்களது பொருளாதார வளர்ச்சியை அதிகரிப்பதுமே எனது நோக்கம் என பிரதமர் ரணில் விக்கிரமசிங்க தெரிவித்துள்ளார்.

உலக பொருளாதார மன்றத்தின் வெப்தளத்தில் இலங்கையின் பொருளாதாரத்தின் எதிர்காலம் என்ற தலைப்பிட்டு எழுதியுள்ள கட்டுரையில் அவர் இதனை குறிப்பிட்டுள்ளார்.

இலங்கையின் பொருளாதார வளர்ச்சிக்கான  சந்தர்ப்பங்களை பயன்படுத்திக்கொள்வதற்கு இலங்கை முதலில் இரு சமூக பிரச்சினைகளிற்கு தீர்வை காணவேண்டியுள்ளது.

முதலாவது நாங்கள் யுத்தத்தால் பாதிக்கப்பட்ட பகுதிகளில்   நல்லிணக்கத்தை புனர்வாழ்வை, புனர்நிர்மானத்தை ஊக்குவிக்கவேண்டியுள்ளது.

இரண்டாவது நாங்கள் இலங்கையின் ஜனநாயகத்தை பலப்படுத்தவேண்டியுள்ளது, நீதித்துறையின்சுதந்திரத்தை மீள ஏற்படுத்துவது,இலஞ்சத்திற்கு எதிரானபோராட்டத்தை முன்னெடுப்பது,சுதந்திரமான உயிhதுடிப்புள்ள ஊடகங்களை தழைப்பதற்கு அனுமதிப்பது போன்றவற்றின் மூலம் இதனை நாங்கள் ஏற்படுத்துகின்றோம்,

இது பொருளாதார அபிவிருத்திக்கான சரியான சூழமைவை ஏற்படுத்தும்,இலங்கையின் நன்கு கல்விகற்ற மக்களின் அபிலாசைகளை பூர்த்திசெய்யும் விதத்தில் சீர்திருத்தங்களை துரிதப்படுத்துவதும்,எங்களது பொருளாதார வளர்ச்சியை அதிகரிப்பதுமே எனது நோக்கம் என அவர் குறிப்பிட்டுள்ளார்.