11 ஆம் திகதிவரை யோஷித்தவுக்கு, விளக்கமறியல் (வீடியோ)

முன்னாள் ஜனாதிபதி மஹிந்த ராஜபக்‌ஷவின் புதல்வர் யோஷித ராஜபக்‌ஷ உள்ளிட்ட குழுவினர் எதிர்வரும் பெப்ரவரி மாதம் 11ம் திகதி வரை விளக்கமறியலில் வைக்கப்பட்டுள்ளார். 

யோஷித ராஜபக்‌ஷ, முன்னாள் ஜனாதிபதி மஹிந்த ராஜபக்‌ஷவின் ஊடக ஒருங்கிணைப்பாளர் ரொஹான் வெலிவிட்ட, சிஎஸ்என் தொலைக்காட்சி நிறுவனத்தின் நிறைவேற்று அதிகாரி நிஷாந்த ரணதுங்க உள்ளிட்டவர்கள் இன்று பிற்பகல் கைது செய்யப்பட்டனர். 

நிதிக் குற்ற விசாரணைப் பிரிவினரால் கைது செய்யப்பட்ட யோஷித ராஜபக்‌ஷ கடுவலை நீதவான் நீதிமன்றில் ஆஜர்படுத்தப்பட்டார். 

இதன்போது நீதிபதி இந்த உத்தரவை பிறப்பித்துள்ளார். 

முன்னதாக இன்று காலை கடற்படைத் தலைமையகத்தில் யோஷித ராஜபக்‌ஷவிடம் விசாரணைகள் மேற்கொள்ளப்பட்ட பின்னர் அவர் நிதிக் குற்ற விசாரணைப் பிரிவினரால் கைது செய்யப்பட்டார். 

சிஎஸ்என் தொலைக்காட்சி நிறுவனத்தில் இடம்பெற்றுள்ளதாக கூறப்படும் நிதி மோசடிகள் தொடர்பிலேயே அவர் கைது செய்யப்பட்டுள்ளார்.  வீடியோ