மஹிந்த ராஜபக்ச துறைமுகத்திற்கு நேற்று வந்த 13.000 வாகனங்கள்

ஹம்பாந்தோட்டை மஹிந்த ராஜபக்ச துறைமுகத்திற்கு 13 ஆயிரம் வாகனங்கள் நேற்று (01) வந்தடைந்ததாக அதிகாரசபை தகவல்கள் தெரிவிக்கின்றன.

மீள் ஏற்றுமதிக்காகவே இறக்குமதி செய்யப்பட்ட சுமார் 13 ஆயிரம் வாகனங்களே நேற்று வந்தடைந்தன.

இவ்வாறு பெருமளவான வாகனங்கள் இலங்கை துறைமுகத்துக்கு கொண்டுவரப்பட்டுள்ளமை இதுவே முதல் தடவை என துறைமுக அதிகாரசபை தெரிவித்துள்ளது.

கொண்டுவரப்பட்ட வாகனங்களின் தொகை அதிகரித்துள்ளமையால் வாகனங்களை நிறுத்தி வைக்கும் இடத்தில் இடப்பற்றாக்குறை ஏற்பட்டுள்ளது.

இதனால் துறைமுக வீதியிலும் வாகனங்கள் நிறுத்தி வைக்கப்பட்டுள்ளமை குறிப்பிடத்தக்கது.