13ம் திகதி மஹிந்த சீனா செல்கிறார் - இரகசிய நிகழ்ச்சி நிரல் தயாரிப்பு

முன்னாள் ஜனாதிபதியும் ஐக்கிய மக்கள் சுதந்திர முன்னணியின் குருநாகல் மாவட்ட நாடாளுமன்ற உறுப்பினருமான ஜனாதிபதி மஹிந்த ராஜபக்ச நான்கு நாட்கள் பயணம் மேற்கொண்டு எதிர்வரும் 13ம் திகதி சீனாவுக்குச் செல்லவுள்ளார்.

இந்தத் தகவலை அவரின் ஊடகப் பேச்சாளரான ரொஹான் வெலிவிட்ட உறுதிப்படுத்தினார்.

ஆன்மீகம் சார்ந்த நிகழ்வுகளில் பங்கேற்பதற்காகவே அவர் அங்கு செல்கிறார் என்றும் அவர் கூறினார். எனினும், மஹிந்த ராஜபக்ச அரசியல் மட்டத்திலான சந்திப்புகளில் ஈடுபடவுள்ளார் என அறியமுடிகின்றது. 

அவரது பயண நிகழ்ச்சி நிரல் குறித்த தகவல்கள் இன்னும் வெளியாகவில்லை. மிகவும் இரகசியமான முறையில் நிகழ்சி நிரல் தயாரிக்கப்பட்டுள்ளது எனக் கூறப்படுகின்றது.

ஜனாதிபதித் தேர்தலில் தோல்வியடைந்த பின்னர் மஹிந்த ராஜபக்ஷ மேற்கொள்ளும் முதலாவது வெளிநாட்டுப் பயணம் இதுவாகும்.