PJ விவகாரத்தில் உலமா சபை + தௌஹீத் மோதலை சுட்டிக்காட்டும் பொது ­ப­ல­சேனா

பொது­ப­ல­சேனா போன்ற அமைப்­பு­களைத் தடை செய்­வ­தற்கும் சிங்­கள பௌத்­தர்­களை அழிப்­ப­தற்­கா­க­வுமே தண்­டனைச் சட்­டக்­கோவை மற்றும் குற்­ற­வியல் வழக்கு சட்டக் கோவையில் அர­சாங்கம் திருத்­தங்­களைச் செய்­ய­வுள்­ளது என பொது­ப­ல­சேனா அமைப்பின் நிர்­வாக பணிப்­பாளர் கலா­நிதி டிலந்த விதா­னகே தெரி­வித்தார்.

கிரு­லப்­பனை பௌத்த மத்­திய நிலை­யத்தில்   நடை­பெற்ற பொது­ப­ல­சேனா அமைப்பின் ஊடக மாநாட்டில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு கூறினார்.  அவர் தொடர்ந்தும் உரை­யாற்­று­கையில் தெரி­வித்­த­தா­வது;

‘இது வர­லாற்றில் மிகவும் பயங்­க­ர­மான சட்­ட­மாகும். இச் சட்­டத்தின் மூலம் அர­சியல் அமைப்­பு­க­ளையும் தேசிய அமைப்­பு­க­ளையும் கட்­டுப்­ப­டுத்தி இல்­லாமற் செய்ய முடியும். இது விஷம் கலந்த சட்­ட­மாகும். இந்தச் சட்­டத்தை நிறை­வேற்றிக் கொள்­வ­தற்கு நாம் ஒரு போதும் இட­ம­ளிக்கப் போவ­தில்லை.

இன­வாதம் மற்றும் ஏனைய மதங்கள் அவ­ம­திப்­புக்கு தண்­டனை வழங்க வேண்­டு­மென்­பதை நாம் ஏற்றுக் கொள்­கிறோம். ஆனால் எமது நாட்டில் இவ்­வா­றன சம்­ப­வங்கள் இடம்­பெ­ற­வில்லை நாட்டைத் துண்­டா­டு­வ­தற்கே முயற்­சிகள் மேற்­கொள்­ளப்­பட்­டன. இதன் பிறகு இவ்­வா­றான முயற்­சிகள் ஏற்­ப­டா­தி­ருக்க எந்­த­வித சட்­டமும் இயற்­றப்­ப­ட­வில்லை.

இந்தச் சட்ட மூலம் வேறு நாட்டின் ஆட்­சி­யா­ளர்­களின் ஆலோ­ச­னைக்­க­மை­வா­கவே தயா­ரிக்­கப்­பட்­டுள்­ளது. இரு குழுக்­க­ளுக்­கி­டையில் இரு சனப் பிரி­வு­க­ளுக்கு இடையில் முறுகல் நிலை ஏற்­பட்டால் இந்தச் சட்­டத்தின் மூலம் தண்­டனை வழங்­கலாம். அப்­ப­டி­யென்றால் அண்­மையில் தௌஹீத் அமைப்­புக்கும் உலமா சபைக்கும் இடையில் இந்­திய மார்க்க அறிஞர் ஒரு­வரின் வருகை தொடர்பில் கருத்து மோதல்கள் ஏற்­பட அவர் நாட்­டுக்குள் அனு­ம­திக்­கப்­ப­ட­வில்லை என்­பதை உதா­ர­ண­மாகக் குறிப்­பி­டலாம்.

இந்தச் சட்ட மூலம் நிறை­வேற்­றப்­பட்டால் தொழிற்­சங்க சுதந்­திரம், அர­சியல் சுதந்­திரம் இல்­லாமற் போகும். தற்­போது 'இனம்' என்­ப­தற்கு இலங்­கையர் என்று எழு­தும்­படி அரசு கூறு­கி­றது.

முன்பு இனம் என்றால் சிங்­க­ளவர், முஸ்லிம், கிறிஸ்­தவர் என்றே எழு­தப்­பட்­டன. பாட­சாலை புத்­த­கங்­க­ளி­லி­ருந்து மதம் தொடர்­பான பக்­கத்தை இல்­லாமற் செய்ய முயற்­சிக்­கப்­ப­டு­கின்­றன.

அர­சி­ய­ல­மைப்­பி­லி­ருந்து பௌத்தத்தின் முக்கியத்துவம் இல்லாமல் செய்யப்பட முயற்சிகள் மேற்கொள்ளப்படுகின்றன.

இது சிங்கள பௌத்தத்தை இந்நாட்டிலிருந்து அழித்து இலங்கையை அரபு குடியேற்ற அல்லது அமெரிக்க குடியேற்றமாக மாற்றும் முயற்சியாகும் என்றார்.