முஸ்லிம் இளைஞர்கள் IS தீவிரவாதிகளாகின்றனர் - மைத்திரிக்கும், ரணிலுக்கும் இரகசிய அறிக்கை

முஸ்லீம் இளைஞர்கள் தீவிரவாத மயப்படுத்தப்பட்டு ஐஎஸ் அமைப்பின்  ஆதரவாளர்களாக மாறிவருவதுகுறித்து  அரச புலனாய்வு  அமைப்பொன்று  அரசாங்கத்திற்கு எச்சரிக்கை விடுத்துள்ளது.

ஜனாதிபதி மைத்திரிபால சிறிசேனவிற்கும், பிரதமர் ரணில் விக்கிரமசிங்கவிற்ம் அனுப்பபட்டுள்ள இரகசிய அறிக்கையிலேயே இது குறித்து தெரிவிக்கப்பட்டுள்ளது.

ஐஎஸ் அமைப்பின் செயற்பாடுகள் குறித்து இலங்கைக்கு இரு வெளிநாட்டு அரசாங்கங்கள் எச்சரித்துள்ள நிலையிலேயே இந்த அறிக்கையும் அரசாங்கத்திடம் கையளிக்கப்பட்டுள்ளது.

கடுமையான மோதல்கள் இடம்பெற்றுவரும் சிரியாவிற்குள் இலங்கையை சேர்ந்த 9 குடும்பங்களை சேர்ந்த 45 இலங்கையர்கள் சென்றுள்ளதாக அரசாங்கத்திற்கு தெரியவந்துள்ளது,

துருக்கி எல்லைய கடந்தே இவர்கள் சிரியாவிற்கு சென்றுள்ளனர்,சிலர் பாக்கிஸ்தானையும் பயன்படுத்தியுள்ளனர், இவர்களில் சிலர் மோதல்களில் ஈடுபட்டுள்ள அதேவேளை வேறு சிலர் விநியோகப்பணிகளில் ஈடுபட்டுள்ளனர்.

ஐஎஸ் ஆதரவாளர்கள் கிழக்கு மாகாணத்திலேயே அதிகமாக காணப்படுகின்றனர் என்ற கருத்தை பொய்யாக்கும் விதத்தில் இலங்கையிலிருந்து குருநாகல், கண்டி மற்றும் கொழும்பின் புறநகர் பகுதியை சேர்ந்தவர்களே சிரியாவிற்கு சென்றுள்ளதாகவும் தெரியவந்துள்ளது.