றிசாத் விவாதம் செய்யமுன் Call எடுத்த மைத்திரி, விவாதத்தின் பின் புகழ்ந்தார்..!

வில்பத்து விவகாரம் தொடர்பில் அமைச்சர் றிசாத் பதியுதீனுக்கும், சாகல தேரருக்கும் இடையே ஹிரு தொலைக்காட்சியில் விவாதம் நடைபெற்றதை நாம் அறிவோம்..!

அந்த விவாதத்தை தடுத்துநிறுத்த பல உயர்மட்டங்கள் முயற்சித்ததையும் ஜப்னா முஸ்லிம் இணையம் பகிரங்கப்படுத்தியிருந்தது.

இந்நிலையில் 28-12-2015 திங்கட்கிழமை அன்று ஜனாதிபதி மைத்திரிபால சிறிசேன அமைச்சர் றிசாத்திற்கு சில தடவைகள் தொலைபேசி அழைப்பெடுத்த விடயம் ஜப்னா முஸ்லிம் இணையத்திற்கு கிடைத்தது. 

குறித்த விவாதத்தில் றிசாத் பதியுதீனை பங்குபற்றாமல் இருக்கச்செய்ய முயற்சி மேற்கொள்வதற்காகவே ஜனாதிபதியிடமிருந்து இந்த தொலைபேசி அழைபுக்கள் சென்றிருக்கலாமென கருதப்படுகிறது.

அதேவேளை 29-12-2015 செவ்வாய்கிழமை காலை வேளையில், அமைச்சர் றிசாத்தின் அமைச்சு பற்றிய நிகழ்வொன்றில் ஜனாதிபதி மைத்திரி பங்கேற்றுள்ளார். இதன்போது தாம் றிசாத்திற்கு தொலைபேசி அழைப்பெடுத்த எடுத்த தகவலை ஜனாதிபதி வெளிப்படுத்தியுள்ளார்.

அத்துடன் அமைச்சர் றிசாத் பதியுதீன் தனக்கு நெருக்கமானவர் என்றும், கடந்த காலங்களில் அவருக்கு வழஙகப்பட்ட அமைச்சை செவ்வனே செய்ததாகவும், தற்போதும் அவருக்கு வழங்கப்பட்ட அமைச்சை திறம்பட வழிநடத்துவதாகவும் புகழ்ந்துள்ளார்.

அத்துடன் தாம் அமைச்சர் றிசாத்துடன் இணைந்து பணியாற்ற விரும்புவதாகவும் ஜனாதிபதி மைத்திரிபால குறிப்பிட்டதாகவும் அமைச்சர் றிசாத் பதியுதீனுக்கு நெருக்கமான வட்டாரங்களிலிருந்து ஜப்னா முஸ்லிம் இணையத்திற்கு அறியக்கிடைத்தது.