ஜப்னா முஸ்லிம் இணையத்தின் பின்னூட்டங்கள் குறித்து, ஒரு வாசகரின் அபிப்பிராயம்..!

-M.JAWFER.JP-

  அஸ்ஸலாமு அலைக்கும்  

முஸ்லிம்களுக்கன்று தனியான இணையதளம் ஓன்று இல்லாத குறையை நிவர்த்தி செய்யும் அடுப்படியில் இயங்கும் தாங்களின் செய்திச்சேவை முஸ்லிம்களுக்கு கிடைத்த ஒரு வரப்பிரசாரம் அல்லாஹ் உங்களின் இருலோக வாழ்விலும் வெற்றியை தருவானாகஆமீன்.

கடந்த காலங்களாக இஸ்லாம்  சம்மந்தமான விவாதம் போன்ற ரீதியில் நம்மவர்களுக்கும் இன்னும் சிலருக்கும் விவாதம் நடந்தாலும் நியாயமான முறையில் அடுத்த மதத்தவர்களின் கேள்விகளுக்கு பதிலளிக்க வேண்டும் என்ற போர்வையில் பதிலளிக்கப்பட்டாலும் கேள்வி கேட்பவர் இஸ்லாத்தையும் முஸ்லிம்களையும்  குரானையும் நபியையும் ஹதீஸ்களையும் கீழ் தரமான முறையில் கொச்சைப்படுத்தும் வகையில் நச்சுக்கருத்துகளை வீசும் பாணியை பார்த்தால் இவர் இஸ்லாத்தைப்பற்றி கற்றுக்கொள்ள வந்தவரோ அல்லது இஸ்லாமியர்களுக்கு உதவ வந்தவரோ அல்ல என்பது தெளிவாக தெரியும்.

அதேவேளை, இவர் யார் என்பது பற்றி கடந்த கால வரலாறுகளை நாம் திரும்பிப்பார்த்தால்,முஸ்லிம்களின் நண்பன் போன்று நய வஞ்சக முஸ்லிம் போன்றும் இஸ்லாத்தை படிக்கும் மாணவன் போன்றும் நாடகமாடி முஸ்லிம்களுக்குள் ஒருவருக்கொருவர்  கருத்துமோதல்களை பல அடிதடிகள் ஏன் பல யுத்தங்கள் ஏற்ப்படுத்தி அதில் குளிர் காயும் யஹூதிகளின் பிரதிநிதிகளாக செயல் பட்டவர்கள் போன்று தான் இந்த நிலவனின் வேலை அமைந்துள்ளது.

கருத்தை கருத்தால் கையாள வேண்டும் என்று நம் சகோதரர்கள் சிலர் ஆலோசனை வழங்கினாலும் உயிரிலும் மேலான நபி (ஸல்)அவர்களை படு மோசமான கொலைகார பயங்கரவாதிகளோடு ஒப்பிட்டு கருத்துரைத்தால் பொறுக்க முடியுமா என்பது கேள்விக்குறிதான் ஆகவே இவர் இஸ்லாம் பற்றிய அறிவு தேவைப்பட்டால் சம்மந்தப்பட்ட இஸ்லாமிய வழிகாட்டல் அமைப்புகளோடு தொடர்பை ஏற்ப்படுத்தி பெற்றுக்கொள்ளட்டும்.தாங்களின் இணையதளத்தில் இவரின் கேள்விகளோ அல்லது இவருக்காக வழங்கப்படும் பதில்களையோ பிரசுப்பதை தயவு செய்து முற்றாக நிறுத்திக்கொள்ளுங்கள்.

காரணம் நம் விரலை எடுத்து நம் கண்ணில் குத்திய கதையாக மாறிவிடும்.இதில் முக்கியமான விடயம் இணைய தளங்களில் இஸ்லாம் சம்மத்தமான அனைத்து கேள்விகளுக்கும் பதிலளிப்பது சிரமமான காரியம் இங்கு பதிலளிக்கும் நம் சகோதரர்கள் அனைவரும் முழுமையாக இஸ்லாத்தையும் அதன் சட்டங்களையும் கற்றறிந்தவர்களும் இல்லை.அதன் காரணமாக சில தவறுகள் ஏற்ப்படும் பட்ச்சத்தில் அதன் பாவம் நம்மனைவரையும் சேரும் துர்ப்பாக்கிய நிலைக்கு ஆளாக வேண்டி வரும் ஆகவே இத்தோடு இந்த இஸ்லாம் சம்மந்தமான கேள்விகளோ அதற்குரிய பதில்களோ பதிவிடுவதை அல்லாஹ்வை அஞ்சியவனாக கேட்டுக்கொள்கிறேன்.

வஸ்ஸலாம்.