ஹக்கீமும் ரிஷாத்தும் சமந்ததா பவரை சந்தித்து, தனி முஸ்லிம் அலகு கேட்டனர்

கிழக்கில் முஸ்லிம் தனி அலகு அமைப்­ப­தற்­கான நட­வ­டிக்­கைகள் ஆரம்­ப­மா­கி­யுள்­ளன. அதற்­கான முதற்­கட்ட நட­வ­டிக்­கை­யா­கவே 13 ஆவது திருத்தச் சட்­டத்தை அமுல்­ப­டுத்த அழுத்தம் கொடுக்­கு­மாறு முஸ்லிம் கட்­சிகள் சமந்தா பவ­ரிடம் கோரிக்கை விடுத்­துள்­ளன என தேசப்­பற்­றுள்ள தேசிய இயக்­கத்தின் பொதுச் செய­லாளர் வசந்த பண்­டார தெரி­வித்தார்.

13 ஆவது திருத்தச் சட்­டத்தை அமுல்­ப­டுத்­து­வது தொடர்பில் மக்கள் விடு­தலை முன்­னணி தனது நிலைப்­பாட்டை பகி­ரங்­க­மாக தெரி­விக்க வேண்டும் எனவும் தெரி­வித்தார்.

தேசிய ஒருங்­க­மைப்பு ஒன்­றியம் நேற்று கொழும்பில் நடத்­திய செய்­தி­யாளர் மாநாட்டில் கலந்து கொண்டு உரை­யாற்­று­கை­யி­லேயே அவர் இவ்­வாறு தெரி­வித்தார். அவர் அங்கு தொடர்ந்தும் கூறு­கையில்;

முஸ்லிம் அர­சியல்  கட்­சி­க­ளான ரவூப் ஹக்கீம் மற்றும் ரிஷாத் பதி­யு­தீனின் கட்­சி­க­ளுடன் சமந்தா பவர் கலந்­து­ரை­யா­டி­யுள்ளார். இதன்­போது இவர்கள் இரு­வரும் 13 ஆவது திருத்தச் சட்­டத்தை உட­ன­டி­யாக நடை­மு­றைப்­ப­டுத்­து­வ­தற்கு தலை­யீடு செய்ய வேண்டும் என கோரிக்கை விடுத்­துள்­ளனர்.

ஆனால் இந்த அடிப்­ப­டை­வாத, இன­வாத முஸ்லிம் கட்­சிகள் இதற்கு முன்பு 13 ஆவது திருத்­தத்தை முழு­மை­யாக நடை­மு­றைப்­ப­டுத்த வேண்டும் என்ற நிலைப்­பாட்டில் இருக்­க­வில்லை.

இம்­மு­றைதான் பகி­ரங்­க­மாக சர்­வ­தேச அமைப்­பொன்­றிடம் இவ்­வா­றான கோரிக்­கையை முன்­வைத்­துள்­ளனர். இதன் மூலம்  அவர்கள் முஸ்லிம் தனி அல­கொன்றை பெற்றுக் கொள்­வ­தற்கு ஒப்­பந்தம் ஒன்றை ஏற்­ப­டுத்திக் கொண்­டி­ருக்­கலாம் என்ற சந்­தேகம் எங்­க­ளுக்கு எழு­கின்­றது.

அர­சாங்கம் ஜனா­தி­பதி தேர்­தலில் தமிழ் அர­சியல் கட்­சி­க­ளுடன் செய்து கொண்ட ஒப்­பந்தம் போன்று முஸ்லிம் அர­சியல் கட்­சி­க­ளுடன் முஸ்லிம் தனி அலகை கிழக்கு மாகா­ணத்தில் அமைப்­ப­தற்கு இணக்கம் தெரி­வித்த அர­சாங்கம் தேர்தல் காலத்தில் ஒப்­பந்தம் செய்­தி­ருக்­கலாம்.

அதன் கார­ண­மா­கவே தற்­போது அவர்கள் 13 ஆவது திருத்­தத்தை முழு­மை­யாக அமுல்­ப­டுத்­து­வ­தற்கு ஆத­ரவு தெரி­வித்து வரு­கின்­றனர்.

ஆகையால் அர­சாங்கம் தேர்தல் காலத்தில் தமிழ், முஸ்லிம் அர­சியல் கட்­சி­க­ளுடன் செய்து கொண்ட ஒப்­பந்­தங்கள் குறித்து நாட்­டுக்கு வெளிப்­ப­டுத்த வேண்டும் என்றார்.