வசீம் தாஜுதீன் கொலை சந்தேகநபர், நாட்டைவிட்டு தப்பிச்செல்ல முயற்சி

பிரபல ரக்பி வீரர் வசீம் தாஜுதீன் படுகொலை தொடர்பில் பிரதான சந்தேகநபராக காணப்படும் கேப்டன் திஸ்ஸ, கடல் மார்க்கமாக நாட்டை  விட்டு தப்பி செல்ல முயற்சிப்பதாக குற்றப் புலனாய்வு திணைக்களத்திற்கு தகவல் கிடைத்துள்ளதாக தெரிவிக்கப்படுகின்றது.

தாஜுதீன் கொலையை விசாரிக்கும் குற்றவியல் விசாரணை திணைக்கள அதிகாரிகளுக்கு கிடைத்த தகவல்களின் பிரகாரம், மேலும் சில கடற்படை வீரர்கள் முன்னாள் அரசுக்கு ஆதரவாக செயல்பட்டு வருவதாகவும் அவர்களின் உதவியுடனே கடல்மார்க்கமாக திஸ்ஸ நாட்டை விட்டு தப்பிச் செல்ல முயற்சித்து உள்ளதாகவும் அறிய கிடைத்துள்ளது.

ஏற்கனவே, கேப்டன் திஸ்ஸவிற்கு நாட்டை விட்டு வெளியேற தடை விதிக்கப்பட்டு இருந்தும் இன்னும் கைது செய்யப்படவில்லை என்பதால் அவரை தொடர்ந்து, கண்காணித்து வருவதாவும் குற்றப் புலனாய்வு திணைக்கள தகவல்கள் தெரிவிக்கின்றன..