வில்பத்துவை பாதுகாக்க முப்படைகளை பயன்படுத்துங்கள் - ஜனாதிபதியிடம் பொது பல சேனா கோரிக்கை
வில்பத்து வன பிரதேசத்தைப் பாதுகாக்கக் கோரி கடந்த ஜூன் மாதம் 29ஆம் திகதி பொதுபலசேனா அமைப்பு ஜனாதிபதிக்கு அனுப்பிவைத்துள்ள கடிதத்தை மீள நோக்கும்படியும் தெரிவித்துள்ளது.
பொதுபலசேனா அமைப்பின் நிறைவேற்றுப் பணிப்பாளர் கலாநிதி டிலன்த விதானகே வெளியிட்டுள்ள அறிக்கையொன்றிலே இவ்வாறு தெரிவித்துள்ளார். அறிக்கையில் மேலும் தெரிவிக்கப்பட்டுள்ளதாவது ஜனாதிபதி மைத்திரிபால சிறிசேன வில்பத்து உட்பட சூழலுக்கு ஆபத்துக்கள் ஏற்படுவதைப் பாதுகாப்பதற்காக முப்படைகளின் உதவிகளைப் பெற்றுக் கொள்வதாகவும், முப்படைகளை கடமையில் ஈடுபடுத்துவதாகவும் உறுதியளித்திருந்தார். ஜனாதிபதி உறுதியளித்து தற்போது 6 மாதங்கள் கடந்துவிட்டன.
ஆனால் இதுவரை அதற்கான நடவடிக்கைகள் எதுவும் மேற்கொள்ளப்படவில்லை.
வில்பத்து வன பிரதேசத்தில் சட்டவிரோத குடியேற்றங்கள் பெருமளவு இடம்பெற்றுள்ளன. இந்த சட்டவிரோத குடியேற்றங்களை பொதுபல சேனாவே முதலில் வெளிச்சத்துக்குக் கொண்டுவந்தது. சட்டவிரோத குடியேற்றங்கள், வனப்பிரதேசத்தில் மேற்கொள்ளப்பட்ட காடுஅழிப்புகள் என்பனவற்றின் ஆவணங்களை நாம் ஜனாதிபதியிடம் சமர்ப்பித்திருக்கிறோம்.
நாங்கள் நூறுக்கும் குறைவான ஆயுளைக் கொண்டவர்களாவோம். என்றாலும் எமது பரம்பரை ஆயிரக்கணக்கான வருடங்கள் இந்நாட்டில் வாழ வேண்டியுள்ளது.
எதிர்கால சந்ததியினரின் நன்மை கருதி ஜனாதிபதி வில்பத்து விவகாரத்தில் தலையிட்டு உடனடியாகத் தீர்வு பெற்றுத் தரவேண்டும்.
வில்பத்துவை அழிவிலிருந்து காப்பாற்றிக் கொள்வதற்கு எமது அமைப்பு தொடர்ந்தும் போராட்டங்களை மேற்கொள்ளும் எனவும் தெரிவிக்கப்பட்டுள்ளது.
Kadasiyaga kaattuku vanthutaan BBS vera item illa
ReplyDeleteஅங்கென்ன கரும்புலிகள் வாழ்கின்ரார்களோ........இலங்கைநாட்டுக்கு புழனாய்வாலர்களே தேவையில்லைபோல்......
ReplyDeleteThe president must take necessary steps to save the country and Bhudism from BBS, Wilpathu has no problem whatsoever!
ReplyDelete