ஆண்குறி இல்லாததால் ஒபாமாவிடம் தோற்ற, ஹிலாரி கிளின்டன் - டொனால்ட் டிரம்ப்

அமெரிக்க குடியரசு கட்சியின் முன்னணி ஜனாதிபதி வேட்பாளர் டொனால்ட் டிரம்ப், தனது விளம்பர பிரசாரத்திற்காக வாரத்திற்கு 2 மில்லியன் டொலர்களை செலவிடப்போவதாக அறிவித்துள்ளார்.

வரும் பெப்ரவரில் இடம்பெறும் ஆரம்பக்கட்ட தேர்தல்களுக்காக லோவா, ஹம்ஷயர் மற்றும் தெற்குக் கரோலினா மாநிலங்களில் விளம்பரங்களுக்கு கணிசமாக செலவிட்டிருப்பதாக டிரம்ப் குறிப்பிட்டுள்ளார்.

தனது தேர்தல் பிரசாரத்திற்கு நிறுவனங்கள் மற்றும் அமைப்புகளிடம் இருந்து பணம் பெறாமல் சொந்தப் பணத்தை செலவிடுவதாக டிரம்ப் முன்னர் குறிப்பிட்டிருந்தார். தாம் இதுவரை பெரிதாக பிரசாரத்திற்கு செலவிடாத நிலையிலும் போட்டியில் முன்னணியில் இருப்பதாகவும் அவர் குறிப்பிட்டிருந்தார்.

“வாரத்திற்கு குறைந்தது 2 மில்லியன் டொலர்களை செலவிடப்போகிறேன். இதனை விடவும் கணிசமாக செலவிட முடியும்” என்று அமெரிக்காவின் செல்வந்தர்களில் ஒருவரான டிரம்ப் சி.என்.என். தொலைக்காட்சிக்கு குறிப்பிட்டார்.

டிரம்ப் தனது தேர்தல் பிரசாரத்தில் சர்ச்சைக்குரிய பல கருத்துகளையும் கூறி வருகிறார்.

 அவர் குறிப்பிட்ட கருத்தில், ஜனநாயக கட்சியின் பிரதான ஜனாதிபதி வேட்பாளர் ஹிலாரி கிளின்டன் 2008 ஆம் ஆண்டு தேர்தலில் ஆண்குறி இல்லாததாலேயே ஒபாமாவிடம் தோற்றதாக தெரிவித்தார். முன்னதாக முஸ்லிம்கள் அமெரிக்கா வருவதை தடை செய்ய வேண்டும் என்று குறிப்பிட்டு சர்ச்சையை ஏற்படுத்தினார்.

அமெரிக்க ஜனாதிபதி தேர்தல் வரும் நவம்பரில் நடைபெறவுள்ளது.