யாழ்ப்பாணம் மக்களுக்கு, ஜமாஅத் அன்சாரிஸ் சுன்னத்தில் முஹம்மதிய்யாவினால் உதவி

பறகஹதெனிய ஜமாஅத் அன்சாரிஸ் சுன்னத்தில் முஹம்மதிய்யாவினால் சமீபகாலமாக நாட்டில் நிலவும் சீரற்ற காரணமாக கன மழையில் பாதிக்கப்பட்ட யாழ்ப்பாணம் புதிய சோனகத் தெரு (பொம்மைவெளி) யிலுள்ள குடும்பங்களுக்கும் மற்றும் வவுனியா மீள்குடியேற்றப்பட்ட சாளம்பைக் புதிய குளம் பகுதியிலுள்ள குடும்பங்களுக்கும்  உலருணவு வழங்கி வைக்கும் நிகழ்வு நேற்று 02-12-2015 யாழ்ப்பாணம் அபூபக்கர் பள்ளிவாசல்களில்  வைத்து வழங்கி வைக்கப்பட்டது.  அத்துடன் வவுனியா சாளம்பைக் குளம் பள்ளிவாசலில் வைத்து வழங்கி வைக்கப்பட்டது. 

இந்நிகழ்வில்  பறகஹதெனிய ஜமாஅத் அன்சாரிஸ் சுன்னத்தில் முஹம்மதிய்யாவின பொதுச் செயலாளர் ஏ. எல் கலிலுர்ரஹ்மான் மற்றும் யாழ்ப்பாணம் மாநகர சபையின் மொழிபெயர்ப்பாளர் அஷ்ஷெய்க் எஸ். ஏ. சீ. ரொசான் மதனி, வவுனியாவைச் சேர்ந்த அஷ்ஷெய்க் என். பி. எம். ஜுனைட் மதனி உள்ளிட்டவர்கள் கலந்து கொண்டனர்.

ஆரசி. பால்மா, கோதுமை மா, சீனி . சவர்காரம, தேயிலை, டின் மீன் உள்ளிட்ட அத்தியவசிய உணவுப் பொருட்கள் வழங்கி வைக்கப்பட்டன.

யாழ்ப்பாணம் பொம்வெளியிலுள்ள 230 குடும்பங்களுக்கும் புதிய சாளம்பைக்குளத்திலுள்ள 120 குடும்பங்களுக்கும் இந்த உலருணவுப் பொருட்கள் வழங்கி வைக்கப்பட்டன.

இக்பால் அலி