"நான் எப்போது மரணிப்பேன், எப்படி மரணிப்பேன் என்பதை அறிய சிலர் அலைகின்றனர்"

அரசியல் ரீதியாக தோல்வியடைந்த சிலர், தற்போது தனது ஜாதகத்தை எடுத்து கொண்டு திரிவதாக ஜனாதிபதி மைத்திரிபால சிறிசேன தெரிவித்துள்ளார்.

பத்தரமுல்லை பெலவத்தையில் நேற்று நடைபெற்ற வைபவம் ஒன்றில் உரையாற்றும் போதே அவர் இதனை கூறியுள்ளார்.

அரசியல் ரீதியாக தோல்வியடைந்தவர்கள் நான் எப்போது இறக்க போகிறேன் எப்படி இறக்க போகிறேன் என்பதை அறிய எனது ஜாதகத்துடன் அலைந்து திரிகின்றனர்.

அரசியல் ரீதியாக நான் அவர்களுக்காக அனுதாபப்படுகிறேன். நீண்டகாலமாக பழைய பெட்டகத்தில் இருந்து வெளியில் எடுத்த அரசாங்கத்தை போல், சிலர் புதிய அரசாங்கத்தை பற்றி பேசுகின்றனர்.

அரசாங்கத்திற்கு இன்னும் 5 ஆண்டு ஆட்சிக்காலம் உள்ளது. இந்த காலத்தில் மக்களுக்கு வழங்கிய அனைத்து வாக்குறுதிகளையும் நிறைவேற்றுவோம் எனவும் ஜனாதிபதி குறிப்பிட்டுள்ளார்.