சவூ­திக்கு பணிப்­பெண்­களை அனுப்­பு­வதை விட, நர­கத்­துக்கு அனுப்­பு­வது நல்­லது -- ஞான­சாரர்

சவூதி அரே­பி­யாவின் ஆதிக்கம் எமது நாட்டில் அதி­க­ரித்து வரு­கி­றது. சவூதி அரே­பி­யாவில் சில முக்­கிய அடிப்­ப­டை­வாதக் குழுக்கள் காலூன்றி வரு­கின்­றன.

இலங்கை  தற்­போது சவூதி அரே­பி­யாவின் கொல­னி­யாக (குடி­யேற்றம்) மாறி­யுள்­ளது.  அத­னால் எமது பிள்­ளை­க­ளுக்கு நாடொன்று இல்­லாமல் போய்­வி­டுமோ என்ற அச்சம் ஏற்­பட்­டுள்­ள­தென பொது ­ப­ல­சே­னாவின் பொதுச் செய­லாளர் கல­கொட அத்தே ஞான­சார தேரர் தெரி­வித்தார்.

கிரு­லப்­ப­னை­யி­லுள்ள பௌத்த மத்­திய நிலை­யத்தில் நடை­பெற்ற ஊட­க­வி­ய­லாளர் மாநாட்டில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு கூறினார். அவர் தொடர்ந்து உரை­யாற்­று­கையில் தெரி­வித்­த­தா­வது;

இன்று நாட்டில் சர்­வ­தேச பாட­சா­லைகள் அதி­க­ரித்து வரு­கின்­றன. முஸ்லிம் அமைச்­சர்கள் முஸ்­லிம்­களின் கல்வி அபி­வி­ருத்­திக்கு சர்­வ­தேச பாட­சா­லை­களே அவ­சியம் எனக் கருதி 20 சர்­வ­தேச பாட­சா­லைகளை அமைப்­ப­தற்கு முயற்­சி­யெ­டுத்து வரு­கி­றார்கள். அமைச்சர் ரிசாத் பதி­யுதீன் துருக்­கி­நாட்டின் உத­வி­யுடன் வேறான சர்­வ­தேச பாட­சா­லை­யொன்­றினை நிறு­வி­யுள்ளார்.

இவ்­வா­றான சர்­வ­தேச பாட­சா­லைகள் அந்­நாட்டின் பாடத் திட்­டத்தின் படியே பாடங்­களை நடத்தி அந்­நாட்­டுக்குத் தேவை­யா­ன­வர்­களே உரு­வாக்­கப்­ப­டு­கி­றார்கள். இதனால் எமது தேசிய மொழிக்குப் பாதிப்பு ஏற்­ப­டு­கி­றது. இது சிங்­க­ள­வர்­க­ளுக்குச் சொந்­த­மான நாடு. இதை அரபு நாட்டின் குடி­யேற்­ற­மாக மாற்ற முயற்­சிக்­கி­றார்கள்.

இதனால் சிங்­க­ள­வர்­க­ளுக்கு அரபு மொழி படிக்க வேண்­டி­யேற்­படும். இந்த சர்­வ­தேச பாட­சா­லை­களில் ஆசி­ரி­யைகள் முழு­மை­யாக முகத்தை மறைத்துக் கொண்டே கல்வி நட­வ­டிக்­கை­களில் ஈடு­பட்­டி­ருக்­கி­றார்கள்.

இதனால் பிள்­ளை­க­ளுக்குக் கூட பயம் ஏற்­ப­டு­கி­றது. இவர்­களைக் கண்டால் நாய்கள் குரைக்­கின்­றன. நாய்­க­ளுக்குத் தான் அபாயம் தெரிந்­துள்­ளது.

சவூ­தியில் கல்­லெ­றிந்து கொலைத் தீர்ப்பு

இலங்கைப் பணிப்­பெண்­ணுக்கு சவூ­தியில் வழங்­கப்­ப­ட­வுள்ள கல்­லெ­றிந்து கொலை செய்யும் தண்­ட­னைக்கு எதி­ராக முழு உல­கமும் குரல் கொடுக்­கி­றது. சவூதி அரே­பி­யா­வுக்கு இலங்­கை­யி­லி­ருந்து பணிப்­பெண்கள் அனுப்பக் கூடாது என்று நாம் எமது சம்­மே­ள­னத்தில் வலி­யு­றுத்­தி­யி­ருந்தோம். சவூ­திக்கு பணிப்­பெண்­களை அனுப்­பு­வதை விட நர­கத்­துக்கு அனுப்­பு­வது நல்­லது. இது அடிமைத் தொழி­லாகும். 30 ஆயிரம் ரூபா சம்­ப­ளத்­துக்கு நாள் முழு­வதும் வேலை செய்ய வேண்டும். 

சவூதி அரே­பி­யா­வுக்கு இலங்கைப் பெண்­களை பணிப்­பெண்­க­ளாக அனுப்­பக்­கூ­டாது என பிர­தி­ய­மைச்சர் அஜித் பி. பெரேரா, அமைச்சர் ரன்ஜித் சியம்­ப­லாப்­பிட்­டிய ஆகியோர் கருத்து வெளி­யிட்­டுள்­ளார்கள். இதனை நாம் வர­வேற்­கிறோம்.

பணிப்­பெண்­க­ளாக செல்­ப­வர்­களின் இரத்த குரூப்­பையும் பெற்றுக் கொள்­கி­றார்கள். இது பணிப்­பெண்­களை மாடி­யி­லி­ருந்து தள்­ளி­விட்டு பின்பு அவர்­களின் சிறு­நீ­ர­கங்­களை கொள்­ளை­யிட்டுக் கொள்­வ­தற்­காகும்.

நாம் முஸ்­லிம்­க­ளுக்­காகவே குரல் கொடுக்­கிறோம். றிஸா­னாவை எம்மால் காப்­பாற்ற முடி­யாமல் போனது. இப்­போது கல்­லெ­றிந்து கொல்­வ­தற்கு தீர்ப்பு வழங்­கப்­பட்­டுள்ள மரு­தா­னையைச் சேர்ந்த இரு பிள்­ளையின் தாயான ஒரு முஸ்­லிம் ­பெண்ணின் விடு­த­லைக்­கா­கவே குரல் கொடுக்­கிறோம்.

இந்தச் சட்டம் கோத்­திர முறை சட்­ட­மாகும். இது அந்தக் காலத்­துக்கு சரி­யா­ன­தாக இருக்­கலாம். ஆனால் இக்­கா­லத்தில் இது காட்டு மிராண்டிச் சட்­ட­மாகும்.

ஐ.எஸ். இயக்கம்

எவரும் குர்­ஆனை இரவு பக­லாக தூக்கம் விழித்து படிக்கத் தேவை­யில்லை. ஐ.எஸ். தீவி­ர­வாத இயக்கம் அமுல்­ப­டுத்தும் கொடூர தண்­ட­னைகள் குர்­ஆனில் கூறப்­பட்­டுள்­ள­வை­க­ளாகும்.

அதனால் இந்த தண்­ட­னை­களை அறிந்து கொண்டால் குர்­ஆனை அறிந்து கொண்­ட­தற்கு சம­மாகும். இந்தச் சட்டம் எமது நாட்­டுக்கும் வந்­துள்­ளது. எம்மால் குறிப்­பிட்ட பணிப்­பெண்ணின் நிலை­மைக்கு கவலை தெரி­விக்க மாத்­தி­ரமே முடியும். வேறேதும் செய்ய முடி­யாது.

ஐ.எஸ். இயக்­கத்­துக்கும் இலங்கை ஜம்­இய்­யத்துல் உல­மா­வுக்கும் நெருங்­கிய தொடர்பு உள்­ளது. இத் தொடர்பை சிரி­யாவில் தாக்­கு­தலில் உயி­ரி­ழந்த ஐ.எஸ். போரா­ளியின் தொடர்பு உறுதி செய்­கி­றது.

கலே­வெ­லையைச் சேர்ந்த அந்த ஐ.எஸ். போராளி ஷரீஆ சட்டத்தை பாகிஸ்தானில் பயின்றார். ஜம்இய்யத்துல் உலமா சபையில் பதவிகள் வகித்திருந்தார். நெருங்கிய தொடர்பு கொண்டிருந்தார்.

ஆனால் ஜம்இய்யத்துல் உலமா சபை இது பற்றி வாய் திறக்கவில்லை. எதுவும் கூறவில்லை.

தனியான விசாரணைப் பிரிவு தேவை

ஐ.எஸ். , தலிபான், ஜிஹாத், அல் ஷபாப் போன்ற தீவிரவாத அமைப்புகள் பற்றி ஆராய தனியான விசாரணைப் பிரிவொன்றினை அரசாங்கம் ஆரம்பிக்க வேண்டும் என்றார்.