சர்வதேசத்தில் பிரபல்யமடையும் ஜனாதிபதி மைத்திரியின் பேரன் (படங்கள்)

ஜனாதிபதி மைத்திரிபால சிறிசேனவின் வத்திக்கான் விஜயத்தின்போது அவரது புதல்வி சதுரிக்காவின் மகன் குறித்து புனித பாப்பரசர் நலம் விசாரித்துள்ளதாக தகவல்கள் வெளியாகியுள்ளன.

ஜனாதிபதி மைத்திரிபால சிறிசேன தனது மூத்த புதல்வி சதுரிக்கா மீது அளவு கடந்த பாசம் கொண்டுள்ளார். அதே போன்று சதுரிக்காவின் மகன் குறித்தும் ஜனாதிபதிக்கு தனிப்பாசம் உண்டு. தனது மூத்த பேரனை தன்னோடு அழைத்துக் கொண்டு செல்வது ஜனாதிபதிக்கு மிகவும் விருப்பமான ஒன்றாகும்.

இந்நிலையில் ஜனாதிபதியின் வத்திக்கான் பயணத்தின்போது புனித பாப்பரசரும் ஜனாதிபதியின் பேரன் குறித்து நலம் விசாரித்துள்ளார். அத்துடன் மிகவும் சூட்டிகையான பையன் என்றும் சிலாகித்துள்ளார்.

தனது இலங்கை விஜயத்தின்போது ஜனாதிபதியின் புதல்வரின் சுட்டித்தனங்கள் குறித்தும் புனித பாப்பரசர் நினைவு கூர்ந்துள்ளார்.

அதேபோன்று வத்திக்கானின் பிரதமரும் ஜனாதிபதியின் பேரன் குறித்து சுகநலம் விசாரித்துள்ளார்.

இதுகால வரையும் இலங்கையில் மாத்திரம் பிரபல்யமாகியிருந்த ஜனாதிபதியின் பேரன் தற்போது சர்வதேச மட்டத்திலும் பிரபல்யமடைத் தொடங்கியுள்ளமை இதன் மூலம் தெரியவந்துள்ளது.