"றிசாத்திக்கு 3 நிபந்­த­னை­கள்"

-ARA.Fareel -அமைச்சர் ரிசாத் பதி­யுதீன் கோரும் நஷ்ட ஈடு 100 கோடி ரூபாவை நான் வழங்­கு­வ­தற்குத் தயா­ராக இருக்­கின்றேன். நாட்டு மக்கள் ஒவ்­வொ­ரு­வ­ரி­ட­மி­ருந்து 100 ரூபா வீதம் சேக­ரித்து 100 கோடி ரூபா கொடுப்பேன் என தேசிய சங்க சம்­மே­ள­னத்தின் செய­லாளர் பாஹி­யங்­கல ஆனந்த சாகர தேரர் தெரி­வித்தார். 

நஷ்ட ஈடு 100 கோடி ரூபா வழங்­கு­வ­தற்கு ஆனந்த சாகர தேரர் அமைச்சர் ரிசாத் பதி­யு­தீ­னுக்கு மூன்று நிபந்­த­னை­க­ளையும் விதித்­துள்ளார். வில்­பத்து தேசிய வனத்தை அழிப்­பது உட­ன­டி­யாக நிறுத்­தப்­பட வேண்டும், போதைப் பொருள் வியா­பா­ரத்தை நிறுத்திக் கொள்ள வேண்டும், தேசிய பாது­காப்­புக்கு அச்­சு­றுத்­த­லான விட­யங்­களைக் கைவிட்டு தேசிய பாது­காப்­புக்கு உறுதி வழங்க வேண்டும் என்­ப­னவே அந்த நிபந்­த­னை­க­ளாகும். 

ஆனந்த சாகர தேரர் இது தொடர்பில் ‘Vi’க்கு கருத்துத் தெரி­விக்­கையில் ‘ அமைச்சர் ரிசாத் பதி­யுதீன் மஹிந்த ராஜ­ப­க்ஷவின் ஆட்­சிக்­கா­லத்தில் பசில் ராஜ­ப­க்ஷவின் உத­வி­யுடன் வில்­பத்­துவை அழித்து முஸ்­லிம்­க­ளுக்கு காணி­களைப் பகிர்ந்­த­ளித்து வந்தார்.

வில்­பத்து பிர­தே­சத்தில் கல்­லாறு, மறிச்­சுக்­கட்டி பிர­தே­சங்கள் முழு­மை­யாக வில்­பத்­து­வுக்குச் சொந்­த­மா­ன­தாகும். 

வில்­பத்து அழிவு தொடர்­பாக நாம் அறிக்­கை­யொன்­றினைத் தயா­ரித்து ஜனா­தி­பதி மைத்­தி­ரி­பால சிறி­சே­ன­விடம் கைய­ளித்தோம். ஆனால் ஜனா­தி­ப­தி­யினால் எது­வித நட­வ­டிக்­கையும் மேற்­கொள்­ளப்­ப­ட­வில்லை.

ஜனா­தி­பதி தான் யாழ்ப்­பா­ணத்­துக்கு விஜ­ய­மொன்­றினை மேற்­கொண்ட போது வில்­பத்து வனப் பிர­தேசம் அழிக்­கப்­பட்­டுள்­ளதை நேரில் கண்­ட­தா­கவும் காட­ழிப்­புக்கு எதி­ராக நட­வ­டிக்கை எடுக்­கப்­படும் எனவும் அவர் கூறினார். வில்­பத்து பிர­தே­சத்தில் காட­ழிப்­பதை நிறுத்தும் படியும் அமைச்சர் ரிசா­துக்கு ஜனா­தி­பதி உத்­த­ர­விட்­டி­ருந்தார்.

ஆனால் அது நிறுத்­தப்­ப­ட­வில்லை. அங்கு தொடந்தும் முஸ்­லிம்கள் குடி­யேற்­றப்­பட்டு வரு­கி­றார்கள். 

நாம் வில்­பத்து காட­ழிப்­புக்கு எதி­ராக குரல் கொடுத்தால் ரிசாத் இதை இன­வா­த­மாக்­கு­கிறார். இங்கே சாதி, சமயம், இன பிரச்­சி­னை­யில்லை. இது தேசிய பிரச்­சி­னை­யாகும்.

தமிழ், முஸ்லிம் சிங்­க­ள­வ­ருக்­கு­ரிய பிரச்­சி­னை­யாகும். இங்கு முஸ்­லிம்கள் மீள் குடி­யேற்­றப்­ப­ட­வில்லை. இங்கு குடி­யேற்­றங்கள் புதி­தா­கவே நடை­பெ­று­கின்­றன. புதி­ய­வர்­களே குடி­யேற்­றப்­ப­டு­கி­றார்கள். 

வடக்கு, கிழக்கில் மக்கள் குடி­யேற்­றப்­ப­டு­வ­தற்கு ஏரா­ள­மான நிலங்கள் இருக்­கின்­றன. அப்­பி­ர­தே­சங்­களில் உட்­கட்­ட­மைப்பு வச­திகள் அனைத்தும் இருக்­கின்­றன.

என்­றாலும் எவ்­வித உட்­கட்­ட­மைப்பு அடிப்­படை வச­தி­க­ளுமற்ற இந்தக் காட்டில் முஸ்­லிம்­களை ரிசாத் கொண்டு வந்து போடு­கிறார்.

இவ­ரது தவ­றான செயல்கள் பற்றி மக்கள் பேசு­வ­தில்லை அவர்கள் பயந்து போயி­ருக்­கி­றார்கள். 

வில்­பத்து பிர­தே­சத்­துக்கு அண்­மித்த கடற்­ப­ரப்­புக்கு போதைப் பொருட்கள் சட்­ட­வி­ரோ­த­மாக கொண்டு வரப்­ப­டு­கின்­றன. அப்­போ­தைப்­பொ­ருட்கள் வில்­பத்து பாதை­யூ­டாக ஏனைய பிர­தே­சங்­க­ளுக்கு கொண்டு செல்­லப்­ப­டு­கின்­றன. இதில் ரிசாத் பதி­யு­தீனின் கையாட்கள் சம்பந்தப்பட்டுள்ளனர். 

பாதுகாப்புப் பிரதேசங்களில் மக்கள் குடியேற்றப்படுகின்றார்கள். இதனால் நாட்டின் தேசிய பாதுகாப்புக்கும்  அச்சுறுத்தல் ஏற்பட்டுள்ளது. போதைப் பொருள் வர்த்தகம் தொடர்பிலான அனைத்து ஆதாரங்களும் எம்மிடம் இருக்கின்றன.

அவற்றை நாம் விரைவில் பொலிஸாரிடம் சமர்ப்பிப்போம் என்றார்.