தேர்தல்கள் ஆணைக்குழுவின், தலைவராக மஹிந்த தேசப்பிரிய

தேர்தல்கள் ஆணைக்குழுவின் தலைவராக தற்போதைய தேர்தல்கள் ஆணையாளர் மஹிந்த தேசப்பிரிய நியமிக்கப்பட்டுள்ளார்.

மேலும் நலீன் அபேசேகர மற்றும் ரத்னஜீவன் ஆகியோர் இதன் உறுப்பினர்களாக பெயரிடப்பட்டுள்ளனர்.

19வது அரசியல் அமைப்பு திருத்தத்தின் கீழ், 10 பேரை உள்ளடக்கிய அரசியலமைப்பு சபையினால் தேர்தல்கள், பொதுச் சேவை, பொலிஸ், கணக்காய்வு, மனித உரிமைகள், நிதி, எல்லை நிர்ணயம், இலஞ்சம் மற்றும் ஊழல், தேசிய கொள்வனவு ஆகிய 09 சுயாதீன ஆணைக்குழுக்கள் உருவாக்கப்பட்டுள்ளமை குறிப்பிடத்தக்கது.