தந்தையை நாய்க்கூண்டில், அடைத்தவளுக்கு விளக்கமறியல்

பலகொல்ல பகுதியில், தனது தந்தையை நாய்க்கூண்டில் அடைத்து வைத்திருந்தார் என்ற குற்றச்சாட்டின் பேரில், பெண்ணொருவரைக் கைது செய்ததாக பொலிஸார் தெரிவித்தனர். அதே பகுதியைச் சேர்ந்த 42 வயதுடைய பெண்ணே இவ்வாறு கைது செய்யப்பட்டுள்ளார். அவருடைய 72 வயதான தந்தையை அவர், நாய்க்கூண்டில் அடைத்து வைத்திருந்துள்ளார். 

நாய்க்கூண்டுக்குள் முதியவரொருவர் இருப்பதை, அப்பகுதியில் ரோந்துச் சேவையில் ஈடுபட்டிருந்த பொலிஸ் கண்டதன் பின்னர் இந்தப் பெண் கைது செய்யப்பட்டுள்ளார். செங்கற்கள் மற்றும் உலோகத் தட்டுக்களைக்கொண்டு செய்யப்பட்ட நாய்க்கூண்டிலேயே குறித்த முதியவர் அடைத்துவைக்கப்பட்டிருந்தார். 

கூண்டில் அடைக்கப்பட்டிருந்த முதியவர் தற்போது மெனிஹின்ன ஆதார வைத்தியசாலையில் அனுமதிக்கப்பட்டுள்ளதாகவும் மகளை எதிர்வரும் 19ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளதாகவும் பொலிஸார் தெரிவித்தனர்.