பல்கலைக்கழக மாணவர்கள் மீது வெறித் தாக்குதல் (படங்கள்)

கொழும்பு வோட் பிளேஸ் பகுதியில் உள்ள இலங்கை பல்கலைக்கழக மானியங்கள் ஆணைக்குழுவின் அலுவலகத்திற்கு எதிரில் இன்று ஆர்ப்பாட்டம் நடத்திய மாணவர்களை காவற்துறையினர் தாக்கியுள்ளனர்.

ஆர்ப்பாட்டத்தில் ஈடுபட்ட அனைத்து பல்கலைக்கழக மாணவர் ஒன்றியத்தின் மாணவர்களை கலைப்பதற்காக தண்ணீர் தாரை தாக்குதல் மற்றும் கண்ணீர் புகைக்குண்டு தாக்குதலும் நடத்தப்பட்டது. கலவரமாக நடந்து கொண்ட மாணவர்கள் மீது காவற்துறையினர் பெட்டன் பொல்லுகளால் தாக்குதல் நடத்தியதுடன் சில மாணவர்களை கைது செய்துள்ளனர்.

காவற்துறையினரின் தாக்குதலில் மாணவர்கள் காயமடைந்துள்ளதாக அனைத்து பல்கலைக்கழக மாணவர் ஒன்றியம் கூறியுள்ளது. அரசாங்கம் கோரிக்கைகளுக்கு செவிசாய்க்காது வன்முறைகளை ஏவி போராட்டங்களை நசுக்க முயற்சிப்பதாகவும் ஒன்றியம் குற்றம் சுமத்தியுள்ளது.