பாடசாலையில் மதுபானம் அருந்திய, மாணவர்கள் இடைநிறுத்தம்..!

களுத்துறை மாவட்டத்தின் ஹொரணை கல்வி வலயத்தில்  இயங்கிவரும் தமிழ் பாடசாலையொன்றில் மதுபானம் அருந்திய மாணவர்கள் ஐவர் கண்டுபிடிக்கப்பட்டு பாடசாலையிலிருந்து இடைநிறுத்தப்பட்டுள்ளனர். 

தரம் 10 இல் கல்வி கற்றுவந்த இந்த மாணவர்கள் ஐவரும் பாடசாலை நேரத்தில் மதுபானம் அருந்தியமை கண்டுபிடிக்கப்பட்டு பாடசாலை ஒழுக்காற்று குழு பெற்றோரை அழைத்து கலந்துரையாடியதையடுத்து இவர்கள் பாடசாலையிலிருந்து இடைநிறுத்தப்பட்டுள்ளனர். 

இந்த ஐவரில் ஒருவர் பாடசாலை அதிபரின் மகன் என்பது குறிப்பிடத்தக்கதாகும். இப்பாடசாலையின் கல்வி நடவடிக்கைகள், ஒழுக்கம், கட்டுப்பாடு குறித்து அதிருப்தி தெரிவித்துள்ள பெற்றோர் மற்றும் பொதுமக்கள், மாணவர்கள், ஆசிரியர்கள் மத்தியில் கையடக்கத்தொலைபேசி பாவனை கட்டுப்பாடின்றி இடம்பெற்று வருவதாகவும் தெரிவித்துள்ளனர். இப்பாடசாலையின் நிர்வாகத்தை மாற்றியமைத்து மறுசீரமைக்க கல்விப் பகுதியினர் துரித நடவடிக்கை எடுக்க முன்வரவேண்டும் எனவும் அவர்கள் கோரிக்கை விடுத்துள்ளனர்.