சிங்கள வாக்குகள் மஹிந்தவிற்கே - தமி­ழர்,­ முஸ்­லிம்­கள் ஆட்­சி­மாற்­றத்தை ஏற்படுத்தினர் - எரிக் சொல்ஹெய்ம்

அர­சியல் உரி­மை­களை பெரும்­பான்­மை­யி­னத்­த­வர்­க­ளான சிங்­க­ள­வர்கள் ஒரு­போதும் அன்­ப­ளிப்­பாகத் தரப்­போ­வ­தில்லை என்று நோர்வேயின் இலங்­கைக்­கான முன்னாள் சமா­தானத் தூதர் எரிக் சொல்ஹெய்ம் தெரி­வித்­தி­ருக்­கிறார்.

லண்­டனில் நேற்று முன்தினம் மாலை இடம்­பெற்ற புத்­த­க­வெ­ளி­யீட்டு நிகழ்வில் பிர­தம அதி­தி­யாகக் கலந்­து­கொண்டு உரை­யாற்­றிய அவர்,

 தமி­ழர்கள் தமது உரி­மை­களைப் போரா­டியே பெற­வேண்டும் என்றும் தெரி­வித்­துள்ளார். இலங்கை அர­சாங்­கத்­திற்கும் தமி­ழீழ விடு­தலைப் புலிகள் இயக்­கத்­திற்கும் இடையில் இடம்­பெற்ற சமா­தான முயற்­சி­களில் நோர்­வேயின் அனு­ச­ரணைப் பங்கு குறித்து லண்­டனில் நூல் ஒன்று நேற்­று முன்தினம் வெளி­யி­டப்­பட்­டது.

மார்க் சோல்டர் என்ற ஆய்­வா­ள­ரினால் இயற்­றப்­பட்ட "சிவில் யுத்­த­மொன்றை முடி­வுக்குக் கொண்­டு­வர இலங்­கையில் நோர்­வேயின் சமா­தான முயற்சி" என்ற இந்த நூல் வெளி­யீட்டு நிகழ்வில், நோர்­வேயின் இலங்­கைக்­கான சமா­தான தூது­வ­ராகப் பல­வ­ரு­டங்கள் பணி­பு­ரிந்த எரிக் சொல்­ஹெய்மும், முன்னாள் நோர்வே அமைச்சர் விதார் ஹெல்­க­சனும் கலந்­து­கொண்­டனர்.

அங்கு உரை­யாற்­றிய எரிக் சொல்ஹெய்ம் இலங்கையில் புதிய ஆட்சி ஏற்­பட்­டி­ருப்­பது நம்­பிக்­கை­ய­ளிப்­ப­தாக இருக்­கின்­ற­போ­திலும், ஈழத்­த­மி­ழர்கள் களத்­திலும், புலத்­திலும் தொடர்ச்­சி­யாகப் பல்­வேறு வழி­களில் போராட்­டங்­களை மேற்­கொள்­வதன் ஊடா­கவே தமது உரி­மை­களைப் பெற்­றுக்­கொள்ள முடியும் என்றும், சிங்­க­ள­வர்கள் தமி­ழர்­களின் அர­சியல் உரி­மை­களை ஒரு­போதும் அன்­ப­ளிப்­பாகத் தரப்­போ­வது கிடை­யாது என்றும் தெரி­வித்தார்.

இலங்கையில் இடம்­பெற்ற தேர்­தலில் பெரும்­பான்­மை­யான சிங்­கள மக்கள், முன்னாள் ஜனா­தி­பதி மஹிந்த ராஜ­பக் ஷவிற்கே வாக்­க­ளித்­தி­ருப்­ப­தா­கவும் தமி­ழர்­களும், முஸ்­லிம்­களும் இணைந்தே ஆட்­சி­மாற்­றத்தைக் கொண்டுவர முடிந்தது என்றும் சுட்டிக்காட்டிய அவர், புதிய அரசு நேர்த் தியான வழியில் சமாதான முயற்சிகளில் ஈடுபட சர்வதேச சமூகம் அழுத்தங்களைப் பிரயோகிக்க வேண்டும் என்றும் தெரிவித்தார்.