யாழ் அஸீம் கவிதை நூல், தமிழகத்தில் அறிமுகம்

வட மாகாணத்திலிருந்து வெளியேற்றப்பட்ட முஸ்லிம்களின் வலிகளையும் வாழ்வியலையும் வெளிப்படுத்தும் கவிஞர் கலாபூஷணம் யாழ். அஸீம் அவர்களின் கவிதைத் தொகுப்பான 'மண்ணில் வேரோடிய மணசோடு' கவிதை நூல் அண்மையில் தமிழகத்தில் அறிமுகம் செய்து வைக்கப்பட்டுள்ளது. 

இலங்கை இந்திய (தமிழக) உறவுப் பாலத்தை வலுப்படுத்தும் ஒரு தொடர் முயற்சியாக தமிழகப்  படைப்பாளர்கள் சங்கம், நிலாவட்டம் கவிதை உறவு அமைப்புக்களின் அனுசரனையில் சென்னையில் சமீபத்தில் நாடும், ஏடும் நன்கறிந்த எழுத்தாளர் (லைட்ரீடிங்) தமிழ்மணி மானா மக்கீன் ஏற்பாடு செய்த ஒரு நிகழ்வில் கவிஞர் யாழ். அஸீம் அவர்களின் கவிதைத் தொகுப்பு 'மண்ணில் வேரோடிய மணசோடு' தமிழக இலக்கிய வட்டத்திற்கு அறிமுகம் செய்து வைக்கப்பட்டது. 

இந் நிகழ்வில் தமிழக இலக்கியப் பிதாமகர் கவிவேந்தர் முஹம்மது மேத்தா (மு. மேத்தா), கண்ணதாசன் பதிப்பக இயக்குநர், கவிஞர் கண்ணதாசன் மகன், காந்தி கண்ணதாசன் படைப்பாளர் சங்கத் தலைவர் சுடர் முருகையா ஆகியோருக்கு மானா மக்கீன் சிறப்பு பிரதிகளை வழங்கி வைத்தார்.

கவிஞர் யாழ். அஸீம் அவர்களது 'மண்ணில் வேரோடிய மனசோடு' என்னும் இக்கவிதை நுலுக்கு கடந்த ஆண்டின் மிகச் சிறந்த கவிதை நூலுக்கான கொடகே தேசிய சாகித்திய விருது கிடைத்தமையும் குறிப்பிடத்தக்கது.