கடற்கரையை சுத்தப்படுத்தினார், ஜனாதிபதி மைத்திரி (படங்கள்)

கடலை பாதுகாப்போம், நாமும் பாதுகாப்பாய் இருப்போம்" என்ற தொனிப்பொருளில் கடற்கரை சூழலை தூய்மைப்படுத்தும் தேசிய வேலைத்திட்டத்தின் அங்குரார்ப்பண நிகழ்வு இன்று (19) காலை ஜனாதிபதி மைத்திரிபால சிறிசேன தலைமையில் கொழும்பு காலி முகத்திடலில் இடம்பெற்றது. 

கடற்கரை சுற்றுச்சூழல் பாதுகாப்பு பிரிவு, மற்றும் கொழும்பு பல்கலைக்கழகம் இணைந்து இந் நிகழ்ச்சித்திட்டத்தினை ஏற்பாடு செய்துள்ளது. 

கடற்கரைப் பிரதேசங்கள் மாசடைதல் காரணமாக, அதற்கு உடனடித் தீர்வொன்றை வழங்கும் வகையில் கடற்கரைப் பிரதேசங்களை தூய்மைப்படுத்தும் தேசிய நிகழ்ச்சித் திட்டம் இன்று ஜனாதிபதியால் ஆரம்பித்து வைக்கப்பட்டது.